Beth yw troseddau yn erbyn anifeiliaid
Gall troseddau bywyd gwyllt ac anifeiliaid fod yn faes cymhleth i’w ddeall. I gael gwybod beth yw troseddau bywyd gwyllt, ewch i’n tudalen am droseddau bywyd gwyllt.
Ymhlith y troseddau sy'n ymwneud ag anifeiliaid nad ydyn nhw'n droseddau bywyd gwyllt, mae:
- poeni da byw
- dwyn da byw
- hela
- creulondeb i anifeiliaid
- cŵn afreolus mewn mannau cyhoeddus
- cŵn sydd wedi’u gwahardd
- cŵn sydd wedi’u dwyn
Troseddau da byw
Mae dau fath o droseddau da byw:
- poeni da byw, sef lle mae ci yn ymosod ar dda byw neu'n erlid da byw gan achosi anaf neu ddioddefaint
- dwyn da byw
Gallwch gael rhagor o wybodaeth am y troseddau yma, gan gynnwys sut y gallwch eu riportio i ni, ar ein tudalen troseddau da byw.
Hela
Mae hela yn cynnwys ymlid, dal neu ladd anifeiliaid ac adar.
Nid yw pob math o hela yn drosedd, ond mae yna lawer o gyfreithiau gwahanol i amddiffyn y gwahanol rywogaethau o anifeiliaid ac adar. Mae’r cyfreithiau hyn yn cwmpasu pethau megis:
- lle gallwch hela
- pryd y gallwch hela
- a allwch ddefnyddio cŵn ai peidio
- y mathau o arfau a thrapiau y gellir eu defnyddio
Mae llawer o anifeiliaid hefyd wedi’u diogelu gan y gyfraith, sy’n golygu ei bod yn anghyfreithlon eu hela ar unrhyw adeg oni bai bod gennych eithriadau arbennig.
Darganfod mwy:
Hela anghyfreithlon
Mathau o hela anghyfreithlon
Gweler hefyd ein safbwynt am hela gyda chŵn.
Creulondeb i anifeiliaid
Creulondeb i anifeiliaid yw pan nad yw rhywun yn gofalu am anifail neu'n brifo anifail yn fwriadol.
Gall gynnwys unrhyw beth o drais corfforol i drallod neu esgeulustod meddyliol bwriadol, er enghraifft peidio â bwydo neu lanhau anifail.
Os ydych chi'n gweld, neu'n amau, y gallai rhywun fod yn trin anifail yn wael, boed yn drais corfforol, esgeulustod neu unrhyw fath arall o greulondeb, dylech ei riportio yr RSPCA.
Rydym yn gweithio gyda’r RSPCA i ymchwilio i achosion o greulondeb i anifeiliaid.
Os yw eich partner, cyn bartner neu aelod o’r teulu wedi niweidio, neu’n bygwth niweidio, eich anifail anwes gall hyn fod yn fath o gam-drin domestig. Dysgwch fwy am greulondeb i anifeiliaid a cham-drin domestig.
Troseddau cŵn
Mae nifer o droseddau sy'n gysylltiedig â chŵn. Mae'r rhain yn cynnwys:
- gadael i gi fynd yn beryglus allan o reolaeth, boed hynny'n gyhoeddus neu'n breifat
- perchen neu feddu ar gi gwaharddedig, fel Bwli XL, oni bai bod gennych chi Dystysgrif Esemptio ddilys
Mae hefyd yn drosedd os bydd rhywun yn dwyn eich ci.
Gallwch gael rhagor o wybodaeth am y troseddau yma, a sut y gallwch eu riportio, ar ein tudalen troseddau cŵn.
Os yw'n ymddangos ei fod allan o reolaeth, dywedwch wrthym trwy ffonio 101.
Rhagor o wybodaeth am anifeiliaid ac anifeiliaid anwes