Cwynion

Yn yr adran hon:

Yr hyn y gallwch chi gwyno amdano

I wneud cwyn am yr heddlu mae angen ichi fod wedi bod yn dyst i'r digwyddiad yr hoffech chi gwyno amdano eich hunan neu wedi cael eich effeithio'n uniongyrchol gan y digwyddiad.

Os ydych chi'n gwybod neu'n amau bod swyddog neu aelod o staff yr heddlu yn gwneud rhywbeth nad yw'n ymddangos yn iawn, dywedwch wrthon ni.

Cwynion am bobl

Gallwch wneud cwyn am un o swyddogion, aelodau staff, contractwyr neu wirfoddolwr yr heddlu os ydych chi:

• wedi profi ymddygiad amhriodol ganddyn nhw. Er enghraifft, os oeddech chi'n teimlo eu bod nhw'n anghwrtais neu'n ymosodol tuag atoch chi
• wedi’u gweld nhw'n gweithredu'n amhriodol. Er enghraifft, wedi’u gweld nhw’n yfed alcohol ar ddyletswydd
• wedi cael eich effeithio'n negyddol gan eu hymddygiad nhw. Er enghraifft, eich bod chi mewn gwrthdystiad ac wedi gweld swyddogion yn ymddwyn mewn ffordd roeddech chi’n teimlo ei bod hi’n amhriodol a bod hyn wedi’ch ypsetio chi
• yn credu eu bod nhw’n manteisio ar eu rôl ac yn cam-drin eu pŵer

Cwynion am lygru a cham-drin pŵer

Gallwch wneud cwyn am swyddog neu aelod o staff yr heddlu sydd, ar ddyletswydd neu oddi ar ddyletswydd:

• yn cymryd arian neu ffafrau yn gyfnewid am wybodaeth neu am wneud i bethau ddigwydd
• yn defnyddio'u gwaith er eu budd eu hunain, ee i gael arian neu fantais
• yn manteisio ar eu safle fel aelod o wasanaeth yr heddlu i gamddefnyddio’u safle, eu hawdurdod neu eu pwerau er mwyn dilyn perthynas rywiol neu berthynas emosiynol amhriodol ag unrhyw aelod o'r cyhoedd
• yn sarhaus tuag at eu partner neu eu teulu, neu’n eu rholi nhw
• yn hiliol, homoffobig neu misogynistaidd, ar ddyletswydd neu oddi ar ddyletswydd, yn bersonol neu ar-lein

Gwasanaeth Riportio Gwrth-lygredigaeth a Cham-drin yr Heddlu

Cwynion am safonau

Gallwch gwyno am sut mae heddlu’n cael ei redeg. Er enghraifft, gallwch gwyno am safonau plismona neu bolisi plismona.

Terfyn amser

Does dim terfyn amser ynglŷn â gwneud cwyn am yr heddlu, ond os byddwch chi'n cwyno am rywbeth a ddigwyddodd fwy na 12 mis yn ôl, byddwn yn gofyn ichi ddweud pam na wnaethoch chi gwyno'n gynt.

Nesaf: Sut i gwyno am yr heddlu