Hoffwn i dynnu fy nata o gofnodion yr heddlu

Gwybodaeth sydd ar Gyfrifiadur Cenedlaethol yr Heddlu

Mae olion bysedd a DNA yn cael eu galw’n 'wybodaeth fiometrig'.

Os cewch chi’ch collfarnu am drosedd (gan gynnwys os caiff eich achos ei drafod y tu allan i'r llys, gan ddod i ben gyda rhybuddiad, rhybudd neu gerydd) mae Deddf Diogelu Rhyddidau 2012 yn diwygio Deddf yr Heddlu a Thystiolaeth Droseddol 1984 (PACE) gan ganiatáu i'r heddlu yng Nghymru a Lloegr gadw'ch gwybodaeth fiometreg am gyfnod amhenodol. 

Mae'r ddeddfwriaeth hefyd yn esbonio o dan ba amgylchiadau y gall ac y bydd gwybodaeth fiometrig yn cael ei dileu o systemau cenedlaethol yr heddlu, sef Cyfrifiadur Cenedlaethol yr Heddlu (PNC), y Gronfa Ddata Olion Bysedd Genedlaethol (IDENT1) a'r Gronfa Ddata DNA Genedlaethol (NDNAD).

I weld a oes gennych chi sail dros gais am dynnu gwybodaeth fiometrig o gofnodion yr heddlu, ewch i wefan swyddfa cofnodion troseddol ACRO, sydd â dadansoddiad manwl o'r amgylchiadau y bydden nhw’n ystyried cais odanynt. Mae'r broses hon hefyd yn ymdrin â cheisiadau am ddileu cofnodion arestio neu warediadau y tu allan i’r llys, ee rhybuddiadau.

Rhaid i bob ymholiad o'r math hwn fynd i ACRO, yn hytrach nag i ni.

Rhagor o wybodaeth am gadw a dileu gwybodaeth fiometrig. 

Hefyd, gallwch wneud cais am dynnu gwybodaeth o gofnodion cenedlaethol yr heddlu. 

Data sy’n cael ei gadw’n lleol

Os yw'r data yr hoffech ofyn am ei dynnu yn cael ei gadw'n lleol gan heddluoedd, ee ffotograffau’r ddalfa, gallwch ofyn iddo gael ei ddileu neu ei newid.