Sut i riportio cerbyd sydd ar goll neu wedi’i ddwyn
Os yw eich car wedi mynd ar goll, dilynwch y camau syml isod er mwyn ei dracio neu, yn y sefyllfa waethaf, riportio ei fod wedi’i ddwyn.
Gwiriwch lle gadawsoch chi eich car
Mae’n swnio’n amlwg, ond os yw eich car ar goll ein cyngor cyntaf yw gwirio eto yn y man lle gwnaethoch ei barcio. Yn aml iawn bydd car sydd ar goll, y tybir ei fod wedi’i ddwyn, yn union lle gadawodd y perchennog ef - a’i fod wedi anghofio.
Y dyddiau hyn mae gan lawer o geir dracwyr GPS er mwyn eu lleoli os ydynt ar goll neu wedi’u dwyn. Ow yw hyn yn gywir/yr achos am eich car chi, cysylltwch â’ch gwasanaeth tracio penodol cyn cysylltu â ni – os yw’r car wir fel petai wedi cael ei ddwyn bydd y gwasanaeth fel arfer yn cysylltu â ni ar eich rhan.
Cysylltwch â’ch cyngor lleol
Yr ail reswm mwyaf cyffredin am gerbyd ar goll yw ei fod wedi cael ei symud gan y cyngor am barcio’n anghyfreithlon.
Os ydych yn gwybod y cod post, gallwch ddarganfod pa gyngor sy'n gyfrifol am yr ardal lle cafodd eich car ei barcio.
Cysylltwch â’r DVLA os oedd eich cerbyd heb dreth
Os nad oedd gan eich cerbyd dreth ddilys, fe allai fod wedi cael ei symud a'i gymryd i bownd gan NSL, cwmni clampio olwynion sy'n gweithio ar ran y DVLA. Rhagor o wybodaeth am sut i gael eich cerbyd yn ôl o bownd y DVLA.
Riportiwch ef
Cliciwch 'Dechrau' isod i’w riportio.