Troseddau cŵn
Mae nifer o droseddau sy'n gysylltiedig â chŵn. Mae'r rhain yn cynnwys:
- gadael i gi fynd yn beryglus allan o reolaeth, boed hynny'n gyhoeddus neu'n breifat
- perchen neu feddu ar gi gwaharddedig, fel Bwli XL, oni bai bod gennych chi Dystysgrif Esemptio ddilys
- dwyn ci
Cŵn afreolus mewn mannau cyhoeddus
Mae'n drosedd gadael i gi fod yn afreolus o beryglus – yn gyhoeddus neu'n breifat.
Ystyrir bod ci yn afreolus os yw’n:
- anafu rhywun
- gwneud i rywun boeni y gallai’r ci eu hanafu
Gall llys hefyd benderfynu bod eich ci yn afreolus o beryglus os:
- yw'n ymosod ar anifail rhywun
- bod perchennog anifail yn credu y gallent gael eu hanafu pe bydden nhw’n ceisio stopio eich ci rhag ymosod ar eu hanifail nhw
Mae gan lawer o barciau a mannau gwyrdd arwyddion yn gofyn i berchnogion cŵn gadw eu cŵn ar dennyn. Weithiau mae hyn yn ofyniad cyfreithiol o dan Orchymyn Diogelu Mannau Cyhoeddus (PSPO). Mae hyn yn helpu i gadw pobl a bywyd gwyllt yn ddiogel, felly gofalwch eich bod yn dilyn unrhyw reolau lleol sy'n gymwys.
Cofiwch, mae gan ffermwr yr hawl i ladd eich ci os yw’n poeni eu da byw.
Os gwelwch chi gi yn rhydd, riportiwch hynny ar-lein.
Os yw'n ymddangos ei fod allan o reolaeth, dywedwch wrthym trwy ffonio 101.
Cŵn gwaharddedig
Yn y Deyrnas Unedig, mae yn erbyn y gyfraith i fod yn berchen ar rai mathau o gŵn. Mae’r cwestiwn a ydy'ch ci yn fath gwaharddedig yn dibynnu ar sut mae'n edrych, yn hytrach na'i frîd neu ei enw.
Mae'n drosedd i fod yn berchen ar gi XL Bully neu feddu ar gi XL Bully yng Nghymru a Lloegr oni bai bod gennych Dystysgrif Esemptio dilys.
Rhagor o wybodaeth am gŵn gwaharddedig.
Os ydych chi'n credu bod rhywun wedi neu yn bridio cŵn, riportiwch y peth ar-lein.
Os byddwch chi'n gweld ci gwaharddedig yn rhydd neu’n mae’n ymddangos nad yw’r ci o dan reolaeth, riportiwch y peth ar-lein neu ffoniwch 101.
Riportio dwyn ci
Cyn ichi riportio bod ci wedi’i ddwyn, gwnewch yn siŵr nad yw’r ci:
- wedi dianc a rhedeg i ffwrdd
- wedi mynd am dro gyda rhywun arall
Os ydych chi'n meddwl bod eich ci wedi'i ddwyn gallwch riportio’r peth ar-lein.
Byddwch yn barod i roi cymaint o wybodaeth ag y gallwch inni, gan gynnwys:
- enw
- rhif meicrosglodyn
- disgrifiad
- y tro diwethaf ichi weld y ci
- beth ddigwyddodd pan ddiflannodd y ci
- manylion unrhyw un a allai fod â mynediad at eich ci
- disgrifiadau o bobl neu gerbydau a welwyd yn ymddwyn yn amheus yn yr ardal
Fe ddylech chi hefyd:
- dweud wrth eich cyngor lleol a allai fod â warden cŵn yn gyfrifol am gŵn strae
- dweud wrth eich cronfa ddata meicrosglodion fod eich ci ar goll
- ystyried hysbysebu am eich ci ar wefannau, mewn milfeddygfeydd a chanolfannau achub lleol, ac ar hysbysfyrddau mewn parciau
Ar ôl riportio bod eich ci wedi'i ddwyn, os byddwch yn dod o hyd iddo neu'n ei adfer, rhowch wybod i ni.
Dolenni defnyddiol