Pornograffi

Fel rheol gyffredinol, nid yw meddu ar bornograffi oedolion, ei rannu neu ei werthu, ddim yn anghyfreithlon. Ond rhai mathau o bornograffi’n anghyfreithlon ac mae meddu arno, ei wneud neu ei ddosbarthu yn droseddau difrifol.

Ystyr meddu yw bod y ddelwedd gennych chi fel ffeil ar ffôn symudol neu gyfrifiadur, copi print/copi caled, neu ddelwedd sydd wedi'i chreu/wedi’i thrin â chyfrifiadur. Gall ffeil sydd wedi'i dileu gyfrif hefyd.

Pornograffi eithafol

Mae'n anghyfreithlon meddu ar 'ddelweddau pornograffig eithafol'.

Dyma ddeunydd sy'n ‘ddifrifol o dramgwyddus, yn ffiaidd neu fel arall yn anllad', ac sydd 'mewn modd amlwg a realistig' yn dangos:

• anaf sy'n bygwth bywyd
• anaf difrifol i anws, bronnau neu organau cenhedlu person
• bwystfileiddiwch (gweithred rywiol gydag anifail)
• corffgarwch (gweithred rywiol gyda chorff dynol)
• tresio neu ymosod drwy dreiddio

I gael rhagor o wybodaeth, gweler gwefan y GEG.

Riportiwch y peth

Os ydych chi'n pryderu am unrhyw ddelweddau neu fideos rydych chi wedi'u gweld ar y rhyngrwyd neu os bydd deunydd anllad yn cael ei anfon atoch chi, cysylltwch â ni mewn unrhyw un neu ragor o'r ffyrdd hyn:

Os ydych chi’n amau bod rhywun mewn perygl uniongyrchol, ffoniwch 999 nawr. Os oes gennych chi nam ar y clyw neu'r lleferydd, defnyddiwch ein gwasanaeth ffôn testun 18000 neu anfonwch neges destun aton ni ar 999 os ydych chi wedi cofrestru ymlaen llaw gyda'r gwasanaeth SMSbrys.

• Ffoniwch ein rhif 24/7 am alwadau lle nad oes argyfwng: 101. Os oes gennych chi nam ar y clyw neu’r lleferydd, defnyddiwch ein gwasanaeth ffôn testun ar 18001 101.
• Riportiwch y peth ar-lein inni cyn gynted â phosibl.
• Ewch i orsaf heddlu i siarad â swyddog yn bersonol.
• Cysylltwch â Crimestoppers yn gyfrinachol ac yn ddienw.
• Riportiwch y peth i’r Internet Watch Foundation (IWF) neu'r Ganolfan Cam-fanteisio ar Blant a’u Hamddiffyn Ar-lein (CEOP) a fydd yn ymchwilio ac yn ceisio cau unrhyw wefannau sy’n troseddu.

Beth i'w wneud â deunyddiau tramgwyddus rydych chi wedi'u cael

• Peidiwch â'u hargraffu na'u hanfon drwy’r ebost, hyd yn oed i’w hanfon at yr heddlu. Bydd hyn yn cael ei weld fel dosbarthu, sy'n drosedd.
• Peidiwch â dileu'r delweddau, gan ei bod yn bosibl y bydd eu hangen fel tystiolaeth.
• Rhowch wybod i'ch Darparwr Gwasanaethau Rhyngrwyd, yn ogystal â rhwystro cyfeiriad ebost/cyfrifon cyfryngau cymdeithasol yr anfonwr.
• Os byddwch yn dal i gael ffenestri 'naid’ sy'n mynd â chi i ddolenni tebyg, analluogwch y cwcis yn eich porwr. Mae cwcis yn cadw gwybodaeth am sut rydych chi’n defnyddio'r rhyngrwyd, sy’n ei gwneud yn hawdd i fathau tebyg o negeseuon ebost neu ddolenni gael eu hanfon.