Apêl yn dilyn ymosodiad ar dda byw yn Llandyrnog
Cynnwys y prif erthygl
'Da ni'n apelio am wybodaeth yn dilyn ymosodiad da byw pryderus yn ardal Llandyrnog yn Sir Ddinbych.
Mae dwy ddafad wedi marw ar ôl dioddef ymosodiad mewn cae ger Siglen Uchaf islaw Moel Arthur rhwng 6pm ar 30 Awst a 12pm ar 31 Awst.
Dywedodd PC Ian Nicholls: "Er gwaethaf ein rhybuddion dro ar ôl tro i amlygu effeithiau dinistriol aflonyddu ar dda byw, mae ymosodiadau yn parhau i gael eu riportio.
"Mae'n siomedig nad oes neb wedi dod ymlaen i riportio'r digwyddiad hwn.
"'Da ni unwaith eto yn annog perchnogion cŵn i gadw cŵn ar dennyn wrth gerdded mewn caeau lle mae da byw yn bresennol er mwyn peidio ag achosi gofid na niwed i'r anifeiliaid.
"Os ydy eich ci wedi dianc mewn ardal wledig, dylech gysylltu hefo'r heddlu cyn gynted â phosib er mwyn rhybuddio ffermwyr a thirfeddianwyr."
"Dwi'n apelio ar unrhyw un a oedd yn yr ardal yn ystod gyda'r nos ar 30 Awst neu fore 31 Awst ac sydd hefo gwybodaeth a allai helpu ein hymchwiliadau ni i gysylltu hefo ni gan ddyfynnu cyfeirnod 25000725028."