Corff dyn wedi ei ddarganfod ym Mangor

Gallwn ni gadarnhau fod corff dyn 22 oed wedi’i ddarganfod wrth ymyl Pier Bangor toc wedi 7am fore ddoe, 17 Medi.

Mae teulu’r dyn a’r crwner wedi cael gwybod a ‘da ni’n parhau i ymchwilio amgylchiadau’r farwolaeth.

Dywedodd y Ditectif Arolygydd Richard Griffith: “Yn anffodus, fe wnaethon ni dderbyn adroddiad fod corff wedi’i ddarganfod fore ddoe.

“’Da ni rŵan yn gweithio er mwyn deall symudiadau olaf y dyn.

“’Da ni’n apelio ar unrhyw un a oedd efallai’n yr ardal neu efallai hefo ffilm camera cerbyd rhwng Ffordd Caergybi, Bangor i Borthaethwy, Ynys Môn, rhwng 2am-5am ar fore 17 Medi i gysylltu hefo ni.”

Gall unrhyw un hefo gwybodaeth gysylltu hefo’r heddlu ar ein gwefan neu drwy ffonio 101, gan ddyfynnu cyfeirnod A150481.