Apêl yn dilyn ymosodiad Caergybi

'Da ni dal i apelio am wybodaeth ar ôl ymosodiad yng Nghaergybi ar nos Iau, 30 Tachwedd.

Credir fod yr ymosodiad, lle dioddefodd dyn glwyfau trywanu, rhwng 9.30pm-10.15pm yng nghyffiniau Stryd Roberts a Stryd Edmund yng Nghaergybi.

Aethpwyd â'r dyn i'r ysbyty hefo anafiadau difrifol ond mae bellach wedi cael ei anfon adref.

Dywedodd y Ditectif Arolygydd Richard Griffith: "'Da ni'n dal i apelio ar unrhyw un a oedd yng nghyffiniau Stryd Edmund a Stryd Roberts yng Nghaergybi nos Iau 30 Tachwedd ac efallai welodd neu glywodd unrhyw beth amheus i gysylltu hefo ni.

"Buaswn i'n hoffi tawelu meddwl y gymuned fod digwyddiadau fel hyn yn hynod brin ar Ynys Môn. Roedd hwn yn ddigwyddiad unigryw ac ni chredir fod unrhyw fygythiad ehangach i'r gymuned.

"Bydd presenoldeb heddlu cynyddol yn yr ardal at ddibenion tawelu meddwl.

"Dwi'n annog unrhyw un hefo gwybodaeth neu ffilm camera cerbyd neu CCC preifat posibl yn yr ardaloedd uchod a allai helpu ein hymchwiliadau gysylltu.

"Os 'da chi'n dymuno peidio siarad hefo'r heddlu, gallwch chi riportio gwybodaeth wrth Crimestoppers yn gyfan gwbl anhysbys ar 0800 555 111."