Gwrandawiadau camymddygiad sydd yn yr arfaeth

Gwrandawiad Camymddygiad yr Heddlu: 2 Medi 2026.

Trefnwyd gwrandawiad camymddwyn ynglŷn â Chwnstabl 4021 Sheppard i’w gynnal ym Mhencadlys yr Heddlu, Glan y Don, Bae Colwyn LL29 8AW, yn dechrau am 1000am ar 2 Medi 2026.

Mae’r gwrandawiad wedi’i ganslo, a bydd hysbysiad cyhoeddus pellach pan mae dyddiad wedi’i gadarnhau.

Gwrandawiad Camymddwyn: 3 Medi 2026

Cynhelir gwrandawiad camymddwyn ym Mhencadlys yr Heddlu, Glan-y-Don, Bae Colwyn, LL29 8AW yn dechrau am 10.00 o’r gloch y bore ar ddydd Iau 3 Medi 2026. Mae Cwnstabl 3074 Michael Smith yn wynebu y cyhuddiad canlynol:

Honnir ar 27 Ebrill 2026 i chi gael mynediad i ddigwyddiad ICAD yn ymwneud â  gwrthdrawiad traffig a ddigwyddodd ar 26 Ebrill 2026. Eich gwraig oedd gyrrwr un o’r cerbydau ac roeddech yn dyst i’r digwyddiad (gan eich bod yn teithio yn y cerbyd). Nid oedd pwrpas plismona i’r mynediad hwn heb awdurdod.

Wrth gael mynediad i systemau’r heddlu, mae’r neges yn glir ymhob sesiwn mewnosod, rydych yn cael eich atgoffa o gyfrifoldebau swyddogion a staff sy’n cael mynediad i’r wybodaeth a rhaid gwneud hyn ar gyfer pwrpas plismona. Honnir i chi fethu â dilyn y cyfarwyddiadau hyn.

Honnir i PC Smith dorri Safonau Ymddygiad Proffesiynol yn ymwneud â Chyfrinachedd, Gorchmynion a Chyfarwyddiadau ac Ymddygiad Anheilwng.

Mae’r cyhuddiadau uchod wedi cael eu hasesu gan yr Awdurdod Priodol fel Camymddwyn Difrifol.

Bydd modd i’r cyhoedd weld y gwrandawiad hyn drwy Microsoft Teams.  

I gael mynediad i’r gwrandawiad hwn rhaid i chi gofrestru drwy ddefnyddio’r ddolen cyn i’r gwrandawiad ddechrau.

https://events.teams.microsoft.com/event/65858167-e9c6-4c59-b437-437e5d0e2e86@4e86b176-a10e-43bd-8d27-927f44d0e665?source=copyLinkLegacyShareLinkDialog