Gorchmynion amddiffynnol
Yn yr adran yma:
Mae yna wahanol fathau o orchmynion amddiffynnol a all helpu i'ch amddiffyn rhag rhagor o stelcio neu aflonyddu. Mae'r rhan fwyaf yn cael eu rhoi gan yr heddlu neu'r llysoedd, ond gallwch wneud cais am orchymyn peidio ag ymyrryd eich hun.
Gorchmynion amddiffyn y gall yr heddlu neu'r llysoedd eu rhoi
Gorchymyn amddiffyn stelcio
Gall gorchymyn amddiffyn stelcio gael ei ddefnyddio i amddiffyn unrhyw un sydd wedi dioddef stelcio.
Gall y gorchymyn wahardd y stelciwr rhag gwneud pethau penodol, gan gynnwys:
- mynd i fannau lle rydych chi'n byw neu'n ymweld â nhw'n aml
- cysylltu â chi mewn unrhyw ffordd, gan gynnwys dros y ffôn, drwy'r post, ebost, neges destun neu'r cyfryngau cymdeithasol
- recordio delweddau ohonoch chi
- cyfeirio atoch chi ar y cyfryngau cymdeithasol naill ai'n uniongyrchol neu'n anuniongyrchol
Gall y gorchymyn hefyd ei gwneud yn ofynnol i'r stelciwr wneud pethau penodol, gan gynnwys:
- cael asesiad iechyd meddwl
- dilyn rhaglen cyffuriau ac alcohol
- llofnodi mewn gorsaf heddlu
Mae'r gorchymyn yn para am o leiaf dwy flynedd.
Mae torri gorchymyn amddiffyn, heb reswm da, yn drosedd.
Os ydych chi’n amau bod y stelciwr neu'r aflonyddwr wedi torri gorchymyn, dywedwch wrth y swyddog sy'n delio â'ch achos.
Gorchmynion eraill a all helpu i'ch amddiffyn
Mae yna ffyrdd eraill y gall yr heddlu neu'r llysoedd helpu i'ch amddiffyn rhag rhagor o stelcio neu aflonyddu.
Mae'r rhain yn cynnwys:
- gorchymyn atal
- gorchymyn ymddygiad troseddol
- gorchymyn amddiffyn trais domestig
Gorchmynion amddiffyn y gallwch wneud cais amdanyn nhw eich hun
Gorchymyn peidio ag ymyrryd
Os ydych chi wedi dioddef cam-drin domestig a bod y person sy'n eich stelcio neu'ch aflonyddu ar hyn o bryd yn gyn-bartner ichi, gallwch wneud cais am orchymyn peidio ag ymyrryd eich hun.
Bydd y stelcio neu'r aflonyddu presennol yn dal i gael ei ystyried yn gamdriniaeth ddomestig gan yr heddlu.
Gall y gorchymyn wahardd y cam-driniwr rhag gwneud pethau fel:
- defnyddio trais corfforol neu eich bygwth â thrais corfforol
- eich bygylu, eich aflonyddu neu'ch poeni
- cyfathrebu â chi
Rhagor o wybodaeth a sut gallwch chi wneud cais.
Mae'r gorchymyn fel arfer yn para rhwng chwech a 12 mis.
Mae torri gorchymyn peidio ag ymyrryd, heb reswm da, yn drosedd.
Os ydych chi’n amau bod y stelciwr wedi torri gorchymyn a bod rhagor o stelcio neu aflonyddu wedi digwydd, gallwch riportio’r peth i ni.