Ynglŷn â gwrandawiadau camymddwyn
Rydym yn cyflogi llawer o bobl. Gan gymryd hynny a natur ein gweithrediad i ystyriaeth, mae torri honedig ar arfer derbyniol neu weithgaredd anghyfreithlon, p’un a ydynt wedi mynd drwy’r system llysoedd cyfreithiol ai peidio, yn siŵr o godi. Mae’n ddyletswydd arnom i ymchwilio pob achos, a all arwain at wrandawiad camymddwyn cyhoeddus.
Diben gwrandawiadau cyhoeddus
Mae gwrandawiadau camymddygiad yn cael eu cynnal i gyflwyno ffeithiau'r achos ac i ganiatáu i'r person esbonio’i ymddygiad a'r amgylchiadau sy'n gysylltiedig â'r honiad. Gall tystion gael eu galw hefyd i roi tystiolaeth.
Diben gwrandawiad cyhoeddus yw dangos bod ein system ddisgyblu yn agored ac yn dryloyw. Bydd yn dangos ein bod yn dal swyddogion sy'n torri safonau ymddygiad proffesiynol, neu'r rhai lle profir bod yna gamymddygiad, yn atebol am eu gweithredoedd.
Pwy all fod yn bresennol?
Gall unrhyw un fynd i wrandawiad camymddygiad. Rydym yn dyrannu lleoedd ar sail y cyntaf i'r felin.
Sylwch y gall y Cadeirydd hefyd benderfynu gosod amodau eraill cyn neu yn ystod y gwrandawiad.
Gwneud cais am fynd i wrandawiad
Edrychwch ar y tudalen gwrandawiadau sydd yn yr arfaeth i weld dyddiad, amser a lleoliad pob gwrandawiad.
Sylwch y gallech gael eich chwilio cyn mynd i ystafell y gwrandawiad.
Allwn ni ddim ad-dalu unrhyw dreuliau y byddwch yn eu hysgwyddo wrth fynd i wrandawiad.
Sylwch
Weithiau bydd gwrandawiad camymddygiad yn cael ei ganslo ar fyr rybudd. Mae'n ddrwg gennym os bydd hyn yn digwydd i wrandawiad roeddech chithau’n gobeithio mynd iddo.
Newidiadau i'w disgwyl
Weithiau, fydd gwrandawiad camymddygiad ddim yn cael ei gynnal yn gyhoeddus, neu ran yn unig fydd yn cael ei chynnal yn gyhoeddus. I benderfynu hyn, mae'r Cadeirydd yn ystyried:
- diogelwch gwladol
- a yw hyn yn ymyrryd ag atal neu ddatrys troseddau
- lles y partïon dan sylw
Os bydd y Cadeirydd yn penderfynu na ddylai'r dystiolaeth sydd i'w rhoi gan dyst neu unrhyw un arall gael ei datgelu’n gyhoeddus, fe fydd yn gofyn i'r cyhoedd gael eu symud o'r gwrandawiad.
Amodau mynediad
Gall y sawl sy'n cadeirio gwrandawiad benderfynu gosod amodau penodol ynglŷn â’r gwrandawiad. Gallai'r rhain gynnwys:
- gofyn i bobl sy'n mynd i'r gwrandawiad gofrestru a dod â manylion adnabod dilys gyda nhw
- cyfyngu ar yr hyn y caniateir dod ag ef i ystafell y gwrandawiad, neu i'r adeilad lle cynhelir y gwrandawiad
- cyfyngu ar nifer y bobl a all fynd i’r gwrandawiad
- cyfyngiadau ar ohebwyr
- peidio â chaniatáu ffotograffau, fideo na recordio sain
- peidio â gadael i bobl ddod i mewn ar ôl i'r gwrandawiad ddechrau
Cewch ragor o wybodaeth yng nghanllawiau’r Swyddfa Gartref ar wrandawiadau camymddygiad.
Hygyrchedd
Mae'r adeilad a'r ystafell gyfarfod yn hygyrch i ddefnyddwyr cadeiriau olwynion.
Tribiwnlysoedd apeliadau’r heddlu
Mae tribiwnlysoedd apeliadau'r heddlu yn gwrando apeliadau yn erbyn dyfarniad o gamymddygiad difrifol, sef apeliadau sy’n cael eu dwyn gan swyddogion heddlu neu gwnstabliaid gwirfoddol.Gall aelodau o’r cyhoedd fynd i wrandawiadau apeliadau fel sylwedyddion ond nid ydynt yn cael cymryd rhan yn y trafodion.