Carchar i leidr ar ôl dwyn copr
Cynnwys y prif erthygl
Mae lleidr wnaeth ddwyn cebl copr gwerth miloedd o bunnoedd o oddi wrth fusnes ym Mhorthmadog wedi cael ei garcharu.
Mi ymddangosodd Thomas Keenan, o Montgomery Road, Walsall, i gael ei ddedfrydu yn Llys y Goron Caernarfon ar ddydd Gwener 11 Medi, ar ôl cyfaddef byrgleriaeth yn flaenorol.
Mi dresmasodd y dyn 24 oed, ynghyd â dau arall, ar safle BT ym mis Mai 2023 a dwyn chwe drym o gebl copr, gwerth tua £4,000.
Mi gafodd ei garcharu am 13 mis.
Dywedodd Cwnstabl Stephen Jones: “Dydy lladrad copr ddim yn drosedd heb ddioddefwr, ac mae’n cael effeithiau go iawn ar fusnesau ac aelodau’r gymuned.
“’Da ni’n cymryd adroddiadau o fyrgleriaeth o ddifrif, a byddwn yn gwneud popeth o fewn ein gallu i ddod â throseddwyr o flaen eu gwell.”