Lansio ymchwiliad i fyrgleriaethau yng Nghonwy

Mae ymchwiliad wedi cael ei lansio yn dilyn cyfres o fyrgleriaethau yng Nghonwy.

Mae cyfanswm o bum digwyddiad y deallir eu bod wedi digwydd yn ystod nos Sadwrn, 27 Rhagfyr, wedi'u riportio ar draws ardaloedd gwledig Llanrwst, Dinbych ac Abergele.

Credir i'r fyrgleriaeth gyntaf ddigwydd yn ardal Gwytherin, Llanrwst, cyn i'r ail ddigwydd yn Llansannan, Dinbych.

Yna targedwyd tri eiddo arall yn Abergele yn ardaloedd Llanfair Talhaearn, Minafon a Gwelfor.

Adroddir bod y troseddwyr wedi torri i mewn i'r tai drwy dorri ffenest, tra deallir bod drws wedi'i adael heb ei gloi ar un arall.

Dywedir bod llawer o emwaith aur wedi'i ddwyn o un o'r adeiladau yn Abergele.

Dywedodd y Ditectif Arolygydd Kris Williams: "Rydym yn cydnabod pa mor boenus a thrawmatig yw hi i ddioddef byrgleriaeth ac mae tîm o dditectifs ar hyn o bryd yn cynnal ymchwiliadau trylwyr i'r digwyddiadau ac i ganfod y troseddwyr.

"Rwy'n apelio ar unrhyw un sydd â gwybodaeth neu unrhyw luniau teledu cylch cyfyng o ymddygiad amheus yn yr ardaloedd hyn ar 27 Rhagfyr i gysylltu â swyddogion.

"Rwyf hefyd yn gofyn i drigolion fod yn wyliadwrus a rhoi gwybod i ni am unrhyw faniau, ceir neu unigolion amheus yn eich ardal, ac i gadw llygad ar gymdogion bregus.

"Byddwn hefyd yn annog pobl i ymweld â gwefan Heddlu Gogledd Cymru, sy'n cynnig gwybodaeth a chyngor ar sut i gadw eiddo ac eitemau gwerthfawr yn ddiogel - Diogelu eich cartref rhag troseddau | Heddlu Gogledd Cymru

"Gall unrhyw un sydd â gwybodaeth yn ymwneud â'r digwyddiadau gysylltu â ni drwy ffonio 101, neu drwy ein gwefan - Gwasanaeth Sgwrsio | Heddlu Gogledd Cymru

"Fel arall, ffoniwch yr elusen annibynnol Crimestoppers yn ddienw."