Amlwch man jailed for drug supply

Mae dyn 31 oed wedi cael ei garcharu ar ôl i dros £13,000 o gyffuriau gael eu darganfod yn ei gar a'i gynhwysydd storio.

Ymddangosodd Ricky James Pritchard, o Faes Llwyn, Amlwch, yn Llys y Goron Caernarfon ar 23 Ionawr ar ôl cyfaddef o'r blaenorol ei fod hefo cyffuriau yn ei feddiant hefo'r bwriad o gyflenwi sylweddau Dosbarth A a B a chaffael eiddo troseddol.

Ar 27 Rhagfyr, stopiodd swyddogion gar oedd yn cael ei yrru gan Pritchard ger Stad Ddiwydiannol Amlwch.

Ar ôl chwilio ei gar, darganfu swyddogion swm sylweddol o gocên a resin canabis.

Cynhaliwyd chwiliadau pellach mewn cynhwysydd storio sy'n perthyn i Pritchard a arweiniodd at ddarganfod swm mawr o arian parod, cocên, nifer o dabledi ac eitemau eraill sy'n awgrymu cyflenwad cyffuriau.

Yn gyffredinol, amcangyfrifwyd bod gan y cyffuriau a atafaelwyd werth stryd o tua £13,600.

Cafodd ei garcharu am flwyddyn a phedwar mis.

Dywedodd yr Arolygydd Ardal Wayne Francis: "'Da ni'n parhau i gyflawni ein hymrwymiad i dargedu'r rhai sy'n ceisio dod â chyffuriau i Ynys Môn.

"Mae mynd ati i stopio a chwilio am unigolion yn un ffordd 'da ni'n targedu cyflenwi cyffuriau ar yr ynys er mwyn gwarchod aelodau bregus o'r gymuned.

"Os oes gynnoch chi unrhyw bryderon ynglŷn â chyflenwi cyffuriau yn eich ardal chi, gallwch chi wneud adroddiad dienw trwy Crimestoppers."