Dynes o Wrecsam yn cael ei charcharu ar ôl ymosod ar ddyn hefo gwydr wedi torri

Mae dynes 34 oed a ymosododd ar ddyn hefo potel wydr wedi torri wedi cael ei charcharu.

Fe wnaeth Cassie Evans, o Ffordd Ddyfrllyd, Wrecsam daro'r dioddefwr yn ei wddf hefo'r darn o wydr yn dilyn ymosodiad digymell.

Digwyddodd y digwyddiad ar Stryt yr Arglwydd, Wrecsam toc ar ôl 7pm, ar 18 Awst.

Cafodd y dioddefwr ei gludo i'r ysbyty lle derbyniodd driniaeth am ei anafiadau.

Cyfaddefodd Evans gyhuddiadau o anafu'n fwriadol a meddu ar arf ymosodol. Yn Llys y Goron yr Wyddgrug heddiw, ar ddydd Llun 3 Tachwedd, cafodd ei charcharu am ddwy flynedd a naw mis.

Cafodd hefyd orchymyn atal am bum mlynedd er mwyn gwarchod y dioddefwr.

Dywedodd Ann Parry ymchwilydd sifil hefo Heddlu Gogledd Cymru: "Roedd hwn yn ddigwyddiad brawychus ac annymunol a ddigwyddodd mewn man cyhoeddus, a allai fod wedi arwain at farwolaeth y dioddefwr.

"Nid oes lle i drais o'r fath ar ein strydoedd ni, ac fe wnaethon ni weithredu'n gyflym i arestio Evans a chasglu'r arf o dan sylw.

"'Da ni'n parhau i fod yn ymrwymedig i gadw ein cymunedau'n saff a byddwn ni'n parhau i weithio'n ddiflino er mwyn atal digwyddiadau fel hyn."