Dyn a wnaeth boeri yn llygad swyddog wedi'i garcharu

Mae dyn 40 oed a wnaeth boeri yn llygad heddwas wedi cael ei garcharu.

Ymddangosodd Stephen Lewis Vickery, o Helens Crescent, Pentraeth, yn Llys Ynadon Llandudno heddiw, dydd Gwener 11 Gorffennaf, lle cyfaddefodd i ddau gyhuddiad o ymosod trwy guro gweithiwr brys.

Ar 23 Mai, cafodd Vickery ei arestio oherwydd ei fod yn cael ei alw yn ôl i'r carchar.

Wrth i swyddogion roi gefynnau o amgylch ei arddyrnau dechreuodd ymddwyn yn dreisgar tuag atynt, gan eu cicio a'u dyrnu.

Parhaodd Vickery i wrthsefyll cael ei arestio cyn poeri'n uniongyrchol i lygad swyddog heddlu.

Cafodd ei garcharu am flwyddyn.

Dywedodd yr Arolygydd Ardal Wayne Francis: "Er bod y canlyniad yn y llys heddiw yn rhoi rhywfaint o gyfiawnder i fy nghydweithwyr, bydd digwyddiad o'r fath yn amlwg yn cael effaith hirdymor ar fywydau'r swyddogion; yn bersonol ac yn broffesiynol.

"Mae'r swyddog bellach yn cael asesiadau meddygol i weld os bydd yn dioddef unrhyw broblemau iechyd yn sgil y digwyddiad.

"Fel Arolygydd Dosbarth ni fyddaf yn goddef ymosodiadau yn erbyn ein swyddogion, sy'n ddewr ac yn rhoi eu hunain mewn perygl bob dydd; dyma farn sy'n cael ei rhannu gan ein harweinwyr uwch o fewn Heddlu Gogledd Cymru.

"Mae'r swyddogion dan sylw yn cael eu cefnogi gan y sefydliad a Ffederasiwn yr Heddlu."