Have you seen Walter?
Cynnwys y prif erthygl
A welsoch chi Walter?
Mae’r heddlu yn ymchwilio i adroddiad bod walabi ifanc wedi cael ei ddwyn o gyfeiriad ar Ffordd Caergybi, Bae Cemaes.
Credir bod y walabi ifanc o’r enw Walter wedi cael ei ddwyn rhwng 4am-6am ar ddydd Iau, 18 Ionawr.
Dywedodd Rhingyll Beth Lloyd: “Mae perchennog Walter yn pryderi’n fawr am les yr anifail ac am iddo ddychwelyd adref.
“Rydym yn apelio ar unrhyw un a welodd Walter y walabi, neu sydd â thystiolaeth ar gamera ar yr adeg honno neu sydd wedi bod yn dyst i ymddygiad amheus i gysylltu â’r heddlu ar unwaith.”
Dylai unrhyw un sydd â gwybodaeth a allai fod o gymorth yn ein hymdrech i ganfod Walter gysylltu â ni drwy ein gwefan neu drwy alw 101, gan ddyfynnu 24000085021.