Carcharu dyn o Gaernarfon am droseddau cam-drin domestig
Cynnwys y prif erthygl
Mae dyn 27 oed wedi'i garcharu am droseddau cam-drin domestig.
Ymddangosodd Tony Paul Michael Jones, o Gaernarfon, ger bron Llys y Goron Caernarfon ar ddydd Llun 24 Gorffennaf, ar ôl pledio'n euog i ymddygiad rheolaethol a gorfodol a throseddau tagu.
Cafodd ei ddedfrydu i ddwy flynedd a 10 mis o garchar ac fe dderbyniodd orchymyn atal am bum mlynedd.
Dywedodd y Ditectif Gwnstabl Eleri Jones: "Hoffwn gymeradwyo dewrder y dioddefwr drwy gydol y broses hon.
"Rydym yn gwybod nad ydy hi'n hawdd hysbysu am achosion o'r natur hon. Heb ei dewrder hi, ni fyddem wedi gallu sicrhau'r canlyniad cadarnhaol hwn.
"Hoffwn sicrhau unrhyw un sy'n dioddef ymddygiad rheolaethol a gorfodol y gwnawn ystyried eich hysbysiad o ddifrif ac fe wnawn ymchwilio unrhyw bryderon yn llawn."
Mae Ymgyrch Unite yn ymateb Heddlu Gogledd Cymru i ymdrin â thrais yn erbyn merched a genethod. Am fwy o wybodaeth, cliciwch yma.
