Bobl wedi cael eu harestio yn dilyn cyfres o fyrgleriaethau mewn cymunedau gwledig

 

Mae tri o bobl wedi cael eu harestio heddiw yn dilyn cyfres o fyrgleriaethau mewn cymunedau gwledig yng Ngwynedd.

Gwnaeth Uned Troseddau Trefnedig a Difrifol a Thîm Troseddau Cefn Gwlad Heddlu Gogledd Cymru weithredu sawl gwarant ar y cyd â Heddlu Gogledd Cymru a Heddlu Gorllewin Mersia fel rhan o ymgyrch Calafat.

Daw'r ymchwiliad yn dilyn adroddiadau am ladradau peiriannau amaethyddol o werth mawr a beiciau pedair olwyn mewn ardaloedd gwledig gan gynnwys Tywyn, Dolgellau a'r Bala llynedd.

Targedwyd pedwar eiddo yn Swydd Amwythig a Gorllewin Canolbarth Lloegr heddiw, lle atafaelwyd sawl eitem.

Arestiwyd y tri ar amheuaeth o gynllwynio i gyflawni byrgleriaeth ac maent yn nalfa Llai lle byddant yn cael eu holi gan yr heddlu.

Dywedodd y Ditectif Arolygydd Richard Sidney: "Mae'r gwaith hwn yn dangos sut mae heddluoedd yn gweithio gyda'i gilydd er mwyn chwalu troseddau cefn gwlad. Hoffwn ddiolch i gydweithwyr o heddluoedd cyfagos sydd wedi'n cynorthwyo ni yn yr ymgyrch hon.

"Nid ond busnesau ydy ffermydd. Maent yn gartrefi i deuluoedd ac mae lladrad amaethyddol ag effaith ariannol fawr ar y rhai hynny sy'n dibynnu ar beiriannau ar gyfer eu bywoliaeth. Mae hefyd yn achosi niwed sylweddol i'n cymunedau cefn gwlad. O ganlyniad, rydym wedi ymroi i ymlid y rhai hynny sy'n cyflawni'r troseddau hyn, o lle bynnag maent yn dod.

"Gall dieithriaid sy'n galw ac yn gofyn am gyfarwyddiadau mewn ardaloedd gwledig fod yn droseddwyr yn asesu lefelau diogelwch ffermydd, yn nodi peiriannau i'w dwyn a sefydlu pa gerbydau byddant eu hangen er mwyn eu cludo i ffwrdd.

"Dylai unrhyw un sy'n amau unrhyw gerbydau anarferol neu amheus wedi parcio gerllaw neu'n teithio yn yr ardal geisio cofnodi rhifau cofrestru a disgrifio cerbydau o'r fath a'n hysbysu ni mor fuan â phosibl.

"Mewn argyfwng, ffoniwch 999 bob amser - fel arall, ffoniwch ni ar 101, neu cysylltwch drwy'r wefan yma."

Os ydych yn dymuno aros yn anhysbys, gallwch hefyd gysylltu â'r elusen annibynnol Crimestoppers ar 0800 555 111.