Rhybudd yn dilyn lladradau beiciau modur

'Da ni'n rhybuddio perchnogion beiciau modur barhau'n wyliadwrus yn dilyn lladradau yng Ngogledd Gwynedd.

Adroddir fod y beic modur cyntaf wedi'i ddwyn ar nos Iau 7 Rhagfyr o gyfeiriad ar y Stryd Fawr ym Methesda. Cafwyd hyd i'r beic modur wedyn wedi'i ddifrodi. Dylai unrhyw un sydd hefo gwybodaeth gysylltu hefo ni gan ddyfynnu cyfeirnod A192714.

Adroddir fod yr ail feic modur wedi cael ei ddwyn o gyfeiriad ar Ffordd y Coleg, Bangor brynhawn dydd Sul 10 Rhagfyr ac fe gafwyd hyd iddo wedi'i ddifrodi gerllaw. Dylai unrhyw un sydd hefo gwybodaeth gysylltu hefo ni gan ddyfynnu cyfeirnod A194822.

Dywedodd y Rhingyll Cynorthwyol Andy Davies: “‘Da ni'n apelio ar i unrhyw un sydd efallai wedi gweld un ai'r beiciau modur a ddisgrifiwyd neu sydd efallai hefo ffilm camera cerbyd neu CCC preifat a all helpu ein hymholiadau ni gysylltu hefo ni.

"'Da ni hefyd yn apelio ar drigolion fod yn wyliadwrus am unrhyw beth amheus yn yr ardal, a pherchnogion beiciau modur i sicrhau diogelwch eu cerbydau pan dydy nhw ddim yn cael eu defnyddio.

"Os yn bosib, parciwch eich beic modur lle gallwch chi neu eich cymdogion ei weld a defnyddiwch gloeon a larymau lle bo'n bosib. Mae hyn er mwyn atal lleidr bachog sy'n trio ei ddwyn o."