Policing with Pride: PCSO Lucy Davies

Ymunodd SCCH Lucy Davies â’r heddlu ym mis Hydref 2020, gyda heriau dyslexia a dyspraxia – anhawsterau cydlynu symudiadau.

Ni chafodd ddiagnosis hyd nes iddi gwblhau ei lefelau A pan sylweddolodd ei hathro gyrru nad oedd hi’n gallu dweud y gwahaniaeth rhwng chwith a de ac nad oedd hi’n gallu dweud faint o’r gloch oedd hi.

“Roedd ymuno â’r heddlu yn rhywbeth roeddwn i wedi bod eisiau gwneud ond doedd erioed gen i’r hyder i wneud cais ar ôl cael gwybod yn yr ysgol nad oeddwn i’n ddeallus,” meddai.

“Fy mrawd ddywedodd wrthyf i am ymgeisio, fo wnaeth fy annog i ymgeisio.

“Mi wnes i gymryd y siawns, ac mi wnaeth dalu ar ei ganfed.”

Yn ystod y broses ymgeisio, dywedodd SCCH Davies ei bod hi wedi cael cefnogaeth gan gyfrifiadur i sefyll ei harholiadau gyda meddalwedd a oedd yn darllen allan y cwestiynau a thiwtor wrth lawr i roi cymorth os oedd angen.

Ychwanegodd: “Hyd yn oed heddiw, mae rhywun yno i ofyn os ydw i angen unrhyw beth – dydy fy anabledd ddim yn rhwystr.

“Y rhwystr mwyaf roedd yn rhaid i mi ei orchfygu oedd fy hunan hyder fy hun ond wrth wneud y swydd, rwyf wedi darganfod fy mod yn gallu gwneud pethau, hyd yn oed os nad oeddwn yn credu fy mod yn gallu.

“Dim ond ffydd yn fy hun oedd angen arna i.”

Ewch i’n tudalen yfory i glywed stori SCCH Ryan Thomas.

 

 

Ewch draw i dudalen Facebook De Sir y Fflint bob dydd i glywed gan swyddogion yn rhannu eu straeon personol a’u profiadau sy’n nodi pwysigrwydd amrywiaeth, cydraddoldeb a chynhwysiant yn Heddlu Gogledd Cymru.