Mae gan bawb hawl i deimlo'n ddiogel

Sylw gan y Prif Gwnstabl Carl Foulkes

Does yr un ohonom wedi peidio cael ein heffeithio gan y newyddion yr wythnos hon am ddiflaniad Sarah Everard. Roedd hi'n ddynes ifanc ar ei ffordd adref ar ei phen ei hun o dŷ ffrind yn Llundain.  Erys fy meddyliau didwyll gyda'i theulu a'i hanwyliaid.

Mae wedi dod yn amlwg iawn y dylai pawb, lle bynnag y bônt, allu byw, gweithio a cherdded ein strydoedd heb ofni aflonyddwch, cam-drin neu drais. Rydym ni wir eisiau i unrhyw un hysbysu am unrhyw bryderon gyda hyder llwyr y gwnaiff yr heddlu ymdrin â'r pryder hwnnw.

Diolch byth, mae digwyddiadau fel hyn yn brin, yn enwedig yng Ngogledd Cymru. Ond nid yw hyn yn golygu na wnawn ni ystyried hysbysiadau am ymddygiad amheus yn ddifrifol. Mae ymdrin â phob cam-drin a thrais yn flaenoriaeth i ni. Rydym yn gwbl ymroddedig i wneud popeth a allwn i atal hyn ac erlyn y bobl hynny sy'n cyflawni neu'n ceisio cyflawni troseddau o'r fath. 

Mae gan bawb hawl i deimlo'n ddiogel a gwnawn wneud ein gorau i sicrhau mai fel hyn y mae hi.

Buaswn yn annog unrhyw un sydd â phryderon am ymddygiad amheus i'n ffonio ni ar 101, neu 999 os ydynt yn teimlo eu bod mewn perygl. Os oes gennych unrhyw bryderon nad ydynt yn rhai brys, defnyddiwch ein cyfleusterau sgwrsio ar-lein.

Byddai eich cyswllt, gwybodaeth a'ch galwad yn ein cynorthwyo ni i dargedu patrolau i ardaloedd. Gallent roi darn arall i achos sydd eisoes yn bodoli. Yn y pen draw, byddant yn ein cynorthwyo i ddiogelu eich cymuned.

Peidiwch â meddwl na fydd eich galwad yn cael ei chymryd o ddifrif. Gallaf eich sicrhau y bydd.