Appeal: Investigation into the death of a badger
Cynnwys y prif erthygl
Mae'r Tîm Troseddau Cefn Gwlad wedi lansio ymchwiliad i achos marwolaeth mochyn daear, a gafodd ei ganfod wedi ei hoelio i goeden yn Ninbych
Mae moch daear wedi eu diogelu o dan Ddeddf Moch Daear 1992 ond cafodd yr anifail hwn ei ganfod yn ardal Nant Glyn gan aelod o'r cyhoedd a oedd yn cerdded yn yr ardal bore ddoe (Awst 18).
Cafodd ei ganfod yn crogi o goeden 10 troedfedd o uchder a'i draed wedi eu hoelio iddi.
Meddai PC Richard Smith o Dîm Troseddau Cefn Gwlad: "Nid oes modd cadarnhau eto beth oedd achos marwolaeth yr anifail hwn ond rydym wedi cyflwyno'r corff i gael post-mortem.
“Mae'n anodd credu bod pobl yn erlid moch daear yng Ngogledd Cymru o hyd. Byddwn yn parhau gyda'n partneriaid i fynd i'r afael â digwyddiadau ffiaidd fel hyn."
Dylai unrhyw un sydd â gwybodaeth gysylltu â Thîm Troseddau Cefn Gwlad Heddlu Gogledd Cymru drwy'r wefan neu drwy ffonio 101, gan ddyfynnu rhif cyfeirnod Z121155. Fel arall, ffoniwch Crimestoppers yn ddienw ar 0800 555 111.
