Cyfarwyddwr Cyllid ac Adnoddau Seb Phillips

Ailymunodd Seb â Heddlu Gogledd Cymru fel CCA ym mis Tachwedd 2019. Roedd eisoes wedi gweithio o fewn swyddogaeth gyllid y sefydliad rhwng 2005 a 2009.

Wedi cymhwyso o'r CIMA, dechreuodd Seb ei yrfa ar gynllun graddedigion cyllid y Post Brenhinol PLC cyn symud i'r sector preifat fel Tiwtor Cyllid gyda BPP Ltd.

Yn awyddus i adleoli i Ogledd Cymru, yn 2003 cymerodd rôl fel Dirprwy Reolwr Ariannol gyda BNFL PLC, ar Safle Datgomisiynu Trawsfynydd. Yna fe ymunodd â Heddlu Gogledd Cymru am y tro cyntaf fel Cyfrifydd Realeiddio Buddion, ac roedd y ffocws ar gymell gwerth o'r amrywiol brosiectau a rhaglenni newid a oedd yn digwydd o fewn y sefydliad ar y pryd.

Yn 2009, dychwelodd Seb i'r sector preifat gan gyflawni nifer o uwch rolau cyllid. Roedd hyn yn cynnwys sawl blwyddyn yn gweithio fel Cyfarwyddwr Cyllid Afonwen Laundry Ltd, un o fusnesau Cymru sy'n tyfu gyflymaf, ac yna fel Cyfarwyddwr Cyllid Isadran Llieiniau Gwestai cenedlaethol Johnson Service Group PLC.

Yn gredwr mawr bod rheolaeth ariannol wych yn bwysig waeth bynnag y sector, roedd bob amser yn dyheu at ddychwelyd at rôl a oedd yn rhoi cyfle i wneud gwahaniaeth gwirioneddol i Ogledd Cymru a'i bobl. Felly neidiodd ar y cyfle i ddychwelyd i Heddlu Gogledd Cymru fel CCA.

Mae ei bortffolio'n cynnwys Cyllid, Caffael, TGCh, Cyfleusterau, Fflyd, Gwasanaethau Cyfreithiol a'r Prif Swyddog Gwybodaeth.