Canllawiau'r gymuned cyfryngau cymdeithasol
Mae'r canllawiau hyn mewn lle er mwyn creu amgylchfyd diogel ar yr holl sianeli cyfryngau cymdeithasol a redir gan Heddlu Gogledd Cymru. Nod ein sianeli cyfryngau cymdeithasol ydy creu amgylchfyd lle gall ein cymunedau ymgysylltu'n ddiogel mewn trafodaeth ac mae rhyddid iddynt wneud sylwadau, ofyn cwestiynau a chyflwyno awgrymiadau.
Rydym yn gofyn i unrhyw sy'n ymgysylltu ar ein sianeli cyfryngau cymdeithasol ddangos cwrteisi, caredigrwydd a pharch i holl aelodau eraill ein cymunedau ar y cyfryngau cymdeithasol. Er mwyn cynorthwyo creu'r amgylchfyd diogel hwn, rydym wedi amlinellu rhai canllawiau sy'n berthnasol i unrhyw ymgysylltu gyda ni neu aelodau eraill o'r gymuned ar unrhyw un o'n sianeli cyfryngau cymdeithasol.
Drwy ymgysylltu gyda'n sianeli cyfryngau cymdeithasol, rydych yn cytuno dilyn y canllawiau hyn.
Ni ddylai sylwadau:
- Cynnwys sbam, enllibio neb, twyllo pobl eraill, bod yn anweddus, sarhaus, bygythiol, difrïol, cas, ymfflamychol neu hyrwyddo deunydd neu drais cignoeth rhywiol
- Hyrwyddo gwahaniaethu ar sail hil, rhyw, crefydd, cenedligrwydd, anabledd, cyfeiriadedd rhywiol neu oed
- Torri unrhyw un o delerau unrhyw un o'r llwyfannau cyfryngau cymdeithasol eu hunain
- Bod yn amherthnasol neu'n annealladwy
- Cynnwys unrhyw hysbysebu neu hyrwyddo unrhyw wasanaethau
- Peryglu bod yn niweidiol i achosion troseddol sydd ar waith
Torri canllawiau
- Rydym yn cadw'r hawl i benderfynu, ar ein disgresiwn, a ydy cyfraniadau i'n sianeli cyfryngau cymdeithasol yn torri ein canllawiau
- Rydym yn cadw'r hawl i guddio neu ddileu sylwadau ar ein sianeli, ynghyd ag atal defnyddwyr nad ydynt yn defnyddio'r canllawiau hyn
- Rydym yn cadw'r hawl i gopïo unrhyw sylwadau rydym yn eu hystyried yn briodol i'w hymchwilio gan ein bod yn teimlo ei bod yn angenrheidiol neu'n ofynnol at ddibenion cyfiawnder troseddol
Hysbysu am drosedd
Nid ydy ein cyfrifon cyfryngau cymdeithasol yn cael eu monitro ddydd a nos
Peidiwch â defnyddio'r cyfryngau cymdeithasol er mwyn hysbysu am drosedd neu ddigwyddiadau. Os ydy trosedd ar waith neu os oes bygythiad i fywyd, ffoniwch 999 bob amser. FOs nad oes argyfwng hysbyswch ar-lein neu ffoniwch 101.
Fel arall, gallwch hysbysu'n gwbl anhysbys at yr elusen annibynnol Crimestoppers ar 0800 555 111, neu drwy fynd ar eu wefan.
Canllawiau'r gymuned llwyfannau
Ceir canllawiau a rheolau cymunedol ein llwyfannau cyfryngau cymdeithasol yma:
Defnyddio lluniau
Mae lluniau o dan hawlfraint Heddlu Gogledd Cymru ac ni ddylid eu defnyddio heb ganiatâd Heddlu Gogledd Cymru.