Ffugiadau dwfn ac amddiffyniadau hawlfraint

Gall y cynnwys mewn ffugiad dwfn dorri’r amddiffyniadau hawlfraint presennol.

Os oes gwaith hawlfraint sy’n perthyn i chi (fel ffotograff rydych chi wedi'i dynnu) wedi cael ei ddefnyddio i wneud ffugiad dwfn gall hyn fod yn dor hawlfraint.

Os yw'n cynnwys copi o berfformiad sydd wedi'i recordio, gall hefyd fod yn torri amddiffyniadau ar wahân sy’n cael eu rhoi i berfformwyr, o’r enw hawliau perfformwyr.

Gall ffugiad dwfn sy'n ystumio gwaith sy'n bodoli eisoes amharu ar hawliau moesol yr awduron gwreiddiol i wrthwynebu trin eu gwaith mewn modd difrïol.

Byddai'r Swyddfa Eiddo Deallusol yn dweud y dylech chi ofyn am gyngor cyfreithiol annibynnol. Fe ddylai fod modd ichi ddod o hyd i gyfreithiwr sydd ag arbenigedd perthnasol trwy Gymdeithas y Cyfreithwyr.

Gall fod yn drosedd copïo neu ddefnyddio deunydd hawlfraint a nodau masnach cofrestredig heb ganiatâd.

Riportiwch bob trosedd eiddo deallusol a amheuir i’r adran Safonau Masnach drwy gysylltu â Chyngor ar Bopeth.

I gael rhagor o wybodaeth am sut i amddiffyn eich eiddo deallusol, ewch i'r Swyddfa Eiddo Deallusol.

Efallai yr hoffech hefyd ymweld â'r Llys Mentrau Eiddo Deallusol.