Cŵn gwaharddedig
Y gyfraith ar gŵn gwaharddedig
Yn y Deyrnas Unedig, mae yn erbyn y gyfraith i fod yn berchen ar rai mathau o gŵn, sef:
- Daeargi Pydew
- Tosa Japan
- Dogo Argentino
- Fila Brasileiro
Mae cŵn XL Bully wedi’u gwahardd yng Nghymru a Lloegr.
Mae’n anghyfreithlon:
- gwerthu ci gwaharddedig
- gadael ci gwaharddedig
- rhoi ci gwaharddedig
- bridio o gi sydd wedi'i wahardd
Mae’r cwestiwn a ydy'ch ci yn fath gwaharddedig yn dibynnu ar sut mae'n edrych, yn hytrach na'i frid neu ei enw.
Mae yn erbyn y gyfraith i adael i gi fod allan o reolaeth yn beryglus unrhyw le. Rhagor o wybodaeth am ystyr allan o reolaeth a’r cosbau.
Os oes gennych chi gi gwaharddedig
Os oes gennych chi gi gwaharddedig, caiff yr heddlu neu warden cŵn y cyngor lleol ei gymryd i ffwrdd a'i gadw, hyd yn oed os:
- nad yw'n ymddwyn yn beryglus
- nad oes cwyn wedi’i gwneud
Rhagor o wybodaeth am gŵn gwaharddedig.
Gwybodaeth am gŵn XL Bully gwaharddedig
Mae'n drosedd i fod yn berchen ar gi XL Bully neu feddu ar gi XL Bully yng Nghymru a Lloegr.
Mae'n anghyfreithlon ailgartrefu, gwerthu, prynu neu drosglwyddo perchnogaeth ci XL Bully i berson arall. Rhagor o wybodaeth am y gwaharddiad ar gŵn XL Bully.
Os ydych chi'n meddwl bod gennych chi gi XL Bully a’ch bod chi heb wneud cais am Dystysgrif Esemptio, dylech chi gysylltu â ni.
Rheolau os oes gennych chi dystysgrif esemptio
Mae Tystysgrif Esemptio yn gadael ichi gadw ci gwaharddedig cyn belled ag nad yw'n ymddwyn yn beryglus, a'ch bod chi’n dilyn rheolau penodol. Mae'n ddilys drwy gydol oes y ci.
Riportio trosedd cŵn gwaharddedig
Os ydych chi'n credu bod gan rywun gŵn gwaharddedig neu’n bridio cŵn gwaharddedig, riportiwch y peth ar-lein.
Os byddwch chi'n gweld ci gwaharddedig yn rhydd, riportiwch y peth ar-lein.
Gallwch riportio niwsans neu aflonyddwch gan gi gwaharddedig, a allai gynnwys ci yn brathu.
Os yw'n ymddangos bod y ci allan o reolaeth, rhowch wybod inni drwy ffonio 101.
Os oes trosedd yn digwydd neu os oes rhywun mewn perygl, ffoniwch 999. Os oes gennych chi nam ar eich clyw neu ar eich lleferydd, defnyddiwch ein gwasanaeth ffôn testun 18000 neu anfonwch neges destun atom ar 999 os ydych chi wedi cofrestru ymlaen llaw gyda'r gwasanaethSMSbrys.
Mae’n well gennyn ni eich bod chi’n cysylltu â ni a’n bod ni’n ymchwilio, na pheidio â chlywed gennych.
Milfeddygon a pherchnogion cŵn gwaharddedig
Does dim disgwyl i filfeddygon riportio cŵn XL Bully a'u perchnogion i'r heddlu. Rhagor o wybodaeth am iawndal a chadarnhau bod ci XL Bully wedi’i niwtro.