Llygru yn yr heddlu
Mae llygru yn yr heddlu yn cwmpasu amryw o fathau o ymddygiad annerbyniol gan swyddogion neu staff yr heddlu. Gallai camymddwyn o'r fath gynnwys y canlynol ymysg pethau eraill:
- dwyn neu dwyllo, megis gwneud hawliadau twyllodrus neu ddwyn o safleoedd troseddau
- cyrchu neu roi gwybodaeth gyfrinachol heb awdurdod
- cymryd neu gyflenwi cyffuriau anghyfreithlon, neu gam-drin alcohol
- cysylltiadau troseddol neu amhriodol eraill
- cysylltiad â throseddau cyfundrefnol
- defnyddio’u safle i roi pwysau ar rywun i gael perthynas rywiol neu berthynas arall
- postio cynnwys amhriodol neu rywiol ar y cyfryngau cymdeithasol
Sut i riportio llygru yn yr heddlu
Gallwch riportio rhywun drwy wneud cwyn ffurfiol amdanyn nhw.
Rydyn ni’n cymryd hyn o ddifrif, felly rhowch gymaint o wybodaeth ag y gallwch i'n helpu gyda'n hymchwiliadau.
Byddwn yn gofyn ichi roi’r canlynol:
- eich manylion chi, gan gynnwys pryd a ble y cawsoch chi’ch geni
- eich manylion cyswllt
- beth yw pwrpas eich cwyn, gan gynnwys amserau, dyddiadau a phwy oedd yn gysylltiedig
- manylion unrhyw dystion