Eich tîm plismona cymdogaeth
Grŵp o swyddogion Heddlu Gogledd Cymru yw Tîm Plismona’r Gymdogaeth wedi eu neilltuo i wasanaethu eich cymuned drwy ganolbwyntio ar droseddau lleol, anhrefn a phroblemau ansawdd bywyd.
Mae’r tîm yn cynnwys swyddogion sy’n gweithio yn eich cymuned, gyda chefnogaeth gan swyddogion ychwanegol o’r ardal ehangach.
Rydym hefyd yn gweithio gydag awdurdodau, asiantaethau partneriaid, arweinyddion cymunedau a thrigolion i benderfynu ar flaenoriaethau plismona eich ardal.
Drwy weithio gyda’n gilydd ein nod yw canfod atebion i broblemau lleol drwy gynnal ffocws ehangach ar leihau troseddu ar draws Gogledd Cymru.
Troseddau a blaenoriaethau
-
Blaenoriaeth:
Camau a gymerwyd:
-
Blaenoriaeth:
Parhau hefo'n sylw ar ymdrin ag ymddygiad gwrthgymdeithasol a gweithgarwch troseddol.
Camau a gymerwyd:
Mae Swyddogion Patrôl a Chymdogaethau Cefn Gwlad Wrecsam yn parhau i ymdrin ag ymddygiad gwrthgymdeithasol, gan weithio efo’n asiantaethau partner ni, ac ymateb yn barhaus ac effeithiol i ymddygiad gwrthgymdeithasol a gweithgarwch troseddol, gan nodi datrysiadau er mwyn atal ail-droseddu, a defnyddio rhaglenni addysg ac ymyrraeth. ‘Da ni hefyd wedi bod yn rhagweithiol o gwmpas yr ardal, gan gyflawni nifer o warantau cyffuriau. O ganlyniad, mi gafwyd arestiadau am droseddau’n gysylltiedig â chyffuriau.
-
Blaenoriaeth:
Amlygrwydd ac ymgysylltu hefo'n cymunedau ni.
Camau a gymerwyd:
Mae Timau Patrôl a Chymdogaethau Cefn Gwlad Wrecsam yn cyflawni rhai o’r canlyniadau ‘allan o’r orsaf’ gorau yn yr heddlu o hyd. Mae hyn yn golygu bod swyddogion yn treulio mwy o amser yn y cymunedau maen nhw’n eu plismona. Mae mwy o’n staff ni wedi eu hyfforddi er mwyn defnyddio ein beiciau trydan ni’n ddiogel, gan gynnig modd arall o batrolio symudol amlwg gan ein Swyddogion Cefnogi Cymunedol yr Heddlu. ‘Da ni’n parhau hyrwyddo’r defnydd o’r cyfryngau cymdeithasol fel ffordd arall o ymgysylltu a chyfathrebu, a rhoi gwybodaeth a diweddariadau rheolaidd yn yr ardal. Yn ogystal, ‘da ni ar gael er mwyn cyfarfod yn uniongyrchol efo’r cymunedau drwy ein cymorthfeydd plismona, sydd yn Rhos a Llai bob yn ail fesul mis. Lle bo’n bosib, mae Tîm Plismona Cymdogaethau Cefn Gwlad Wrecsam yn parhau darparu presenoldeb amlwg mewn digwyddiadau cymunedol. ‘Da ni hefyd i’n gweld y tu allan i ysgolion er mwyn monitro diogelwch y ffyrdd.