Erddig

Lleihau Ymddygiad Gwrthgymdeithasol yng Nghanol y Ddinas

Mae swyddogion cymdogaethau a phatrôl yn parhau canolbwyntio ar leihau ymddygiad gwrthgymdeithasol yng nghanol y ddinas. Mi gychwynnwyd Ymgyrch Volt ym mis Ebrill, lle nodwyd llecynnau ac yna mi gyflawnodd swyddogion batrolau amlwg, cynyddu ymgysylltiad, nodi unigolion sy’n cymryd rhan a gwaith partneriaeth efo cyfiawnder ieuenctid a Chyngor Wrecsam er mwyn ymdrin â’r materion hyn.

Ymgyrch Lex

Yr economi gyda’r nos – Parhau patrolau amlwg ar nosweithiau Wener a Sadwrn er mwyn cynorthwyo’r economi gyda’r nos. Mae’r presenoldeb uwch hwn yn helpu atal anrhefn, diogelu unigolion bregus a chynnig tawelwch meddwl i breswylwyr, gweithwyr ac ymwelwyr.

Gwaith partneriaeth

Mae swyddogion cymdogaethau’n cynnal cysylltiad cydweithredol gryf efo Safonau Masnach a Gwarchod y Cyhoedd Wrecsam, gan ddatblygu cudd-wybodaeth er mwyn cyflawni sawl atafaeliad ac ymchwiliad llwyddiannus mewn nifer o farchnadoedd masnachol yng nghanol y ddinas. Mae’r ymweliadau hyn wedi tawelu meddwl y gymuned ein bod ni’n gweithredu ar unrhyw wybodaeth. Mae canlyniadau cadarnhaol yn cael eu hysbysu drwy’r cyfryngau cymdeithasol.

Troseddau Manwerthu

Mae Timau Cymdogaethau Dinas Wrecsam yn parhau i weithio tuag at gyflawni’r cyflawniad gorau o ran troseddau manwerthu. Nid yn unig mae hyn yn effeithio ar fân-werthwyr, ond hefyd y staff sy’n gweld ac yn dioddef ymddygiad y troseddwyr. Mae nifer o droseddwyr mynych yn parhau i achosi peryg a niwed i’r gymuned, ac mae cymryd camau cadarn yn parhau, wrth hefyd weithio’n galed efo mân-werthwyr er mwyn lleihau’r risg i’w siopau a’u gweithwyr.

Trais yn Erbyn Merched a Genethod

Mae menter newydd, sef Ymgyrch Virtue, ar fin cael ei chychwyn er mwyn cynorthwyo’r Siarter Merched ymhellach, a ddechreuwyd yn ddiweddar yng nghanol dinas Wrecsam. Nod y fenter hon ydy canolbwyntio ar addysg ar gyfer holl bartneriaid ac eiddo trwyddedig. Mi ymgymerwn ni â diogelu a chamau cadarn er mwyn atal Trais yn Erbyn Merched a Genethod. Mae HGC hefyd yn gweithio ar y cyd efo Cyngor Wrecsam er mwyn creu mannau diogel yng nghanol y ddinas.

Cynyddu ymgysylltiad / hybiau

Mi fydd swyddogion o’r Tîm Cymdogaethau yn cynnal sesiynau ymgysylltiad yn y ‘Cop Shop’ a’r gorsaf fysiau. Mi fydd swyddogion ar gael yn y lleoliadau hyn yn ddyddiol, er mwyn cynnig gwasanaeth Heddlu Gogledd Cymru yn y cnawd i’r gymuned, er mwyn ymdrin ag unrhyw bryderon neu gynnig cyngor a help.