Sealand

Ymdrin â chamddefnyddio cyffuriau/Bregusrwydd o fewn y gymuned

Mae'r gwaith yn parhau yn y maes hwn hefo help gan y cymunedau sy'n rhoi cudd-wybodaeth sy'n cyfarwyddo gweithredoedd yr heddlu. Mae'r gudd-wybodaeth hon yn allweddol i helpu'r heddlu nid yn unig gynnal gwarantau chwilio yn yr ardal, ond mae hefyd yn bwydo mewn i'r darlun ehangach o Linellau Cyffuriau. Mae hyn yn gallu rhychwantu sawl heddlu ac yn helpu ein cydweithwyr ni mewn Timau Troseddau Rhanbarthol i fynd i'r afael hefo Troseddau Trefnedig.
Wrth fynd i'r afael hefo hyn, 'da ni hefyd yn cydweithio hefo asiantaethau partner er mwyn nodi'r rhai sy'n fregus yn y gymuned ac a allai fod mewn perygl o gael eu camfanteisio. Mae gwaith rhwng aml-asiantaethau er mwyn helpu'r rhai hynny mewn perygl.
Os oes gynnoch chi unrhyw wybodaeth a all ein helpu ni, defnyddiwch yr adran "Cysylltu hefo ni" ar y wefan hon neu riportiwch yn ddienw trwy crimestoppers-uk.org.

Ymddygiad Gwrthgymdeithasol gan gynnwys Gyrru Gwrthgymdeithasol

'Da ni'n parhau gweithio er mwyn mynd i'r afael hefo problemau ymddygiad gwrthgymdeithasol parhaus yn yr ardal. 'Da ni'n dadansoddi data er mwyn amlygu llecynnau ar gyfer patrolau penodol. Dydy'r data ddim bob amser yn adlewyrchu'r hyn y mae'r gymuned yn ei weld. Mae ein Tîm Plismona Cymdogaeth ni'n gweithio'n agos hefo'r gymuned a phartneriaid er mwyn nodi bylchau a mynd i'r afael hefo'r rhain.
Os yw'n bosibl, 'da ni bob amser yn ceisio nodi'r rhai sy'n achosi ymddygiad gwrthgymdeithasol. Byddwn ni'n edrych yn gyntaf ar ymyriadau a help. Pan fydd hyn yn methu, byddwn ni'n edrych ar opsiynau pellach fel Cytundebau Ymddygiad Derbyniol a Hysbysiadau Gwarchod Cymunedol cyn bwrw ymlaen hefo'r llwybr Cyfiawnder Troseddol lle bo'n addas.
Mae Ymgyrch Tenacity yn parhau i nodi'r rhai sy'n gyrru'n wrthgymdeithasol. Mae'n sicrhau bod y camau priodol yn cael eu cymryd. Mae hyn yn cael help pellach gan ein cydweithwyr ni yn yr Uned Troseddau Ffyrdd. Mae hwn yn faes plismona hynod o heriol oherwydd y risg sy'n gysylltiedig yn enwedig hefo e-sgwteri a beiciau oddi ar y ffordd. Mae help cymunedol yn hanfodol i fynd i'r afael hefo'r broblem hon.
Os oes gynnoch chi unrhyw wybodaeth a all ein helpu ni, defnyddiwch yr adran "Cysylltu hefo ni" ar y wefan hon neu riportiwch yn ddienw trwy crimestoppers-uk.org.

Troseddau Manwerthu

Mae gwaith partneriaeth yn parhau hefo Tîm Partneriaeth Lleihau Trosedd Busnes Caer a Gogledd Cymru er mwyn helpu busnesau lleol yn ogystal â'n hymateb i Drosedd Manwerthu.
Ynghyd ag Ymgyrch Bastion 'da ni wedi gweld rhai canlyniadau rhagorol wrth nodi troseddwyr yn gynnar a'u symud nhw ymlaen trwy'r system cyfiawnder troseddol.
'Da ni'n parhau i weithio hefo'n Tîm Atal a all helpu busnesau hefo Asesiad Diogelu trwy Ddylunio a all helpu siopau ddiogelu eu hunain a lleihau'r cyfleoedd ar gyfer Troseddau Manwerthu.
'Da ni hefyd yn cydweithio hefo Partneriaid yn Checkpoint Cymru a'n tîm Rheoli Troseddwyr Integredig a Thimau Troseddwyr Ieuenctid sy'n gallu edrych ar y troseddwr a rhoi help addas lle bo angen er mwyn atal risg aildroseddu.