Seiont

Gyrru Gwrthgymdeithasol - Caernarfon

Mae gohebiaeth diweddar gan gynrychiolwyr etholedig yn dangos bod gyrru gwrthgymdeithasol yn parhau yn bryder sylweddol i breswylwyr yng Nghaernarfon, yn enwedig o gwmpas Y Maes a’r cyffiniau. Mae’r Tîm Plismona Cymdogaethau wedi penodi Cwnstabl 3494 Jarvis er mwyn cydlynu ein hymateb i’r broblem hon. Mi fydd Cwnstabl Jarvis yn gweithio’n agos efo partneriaid a’r Uned Troseddau Ffyrdd er mwyn sicrhau ymateb plismona sy’n gymesur a nodi cyfleoedd gorfodi priodol. Mi wnawn ni barhau ymgysylltu efo swyddogion etholedig er mwyn cefnogi ymdriniaeth cydlynol a chyson.

Ymddygiad Gwrthgymdeithasol – Maes Parcio Aml-Lawr, Caernarfon

Mae adroddiadau ynglŷn ag ymddygiad gwrthgymdeithasol yn parhau, o fewn ac o gwmpas y maes parcio aml-lawr ac ardal y safle fysiau gerllaw. Mae Cwnstabl 3627 Jones wedi cael ei benodi er mwyn arwain ein hymateb ni i’r pryder hwn. Mae Cwnstabl Jones yn prysur weithio efo partneriaid, gan gynnwys Cyngor Gwynedd, er mwyn nodi ac ymyrryd ar y bobl sy’n gyfrifol. ‘Da ni’n annog preswylwyr a busnesau lleol effeithir arnyn nhw i ymgysylltu efo ni a rhannu gwybodaeth er mwyn cynorthwyo gwaith parhaus.

Ymddygiad Gwrthgymdeithasol – Stryd Fawr Bangor

Mae busnesau lleol wedi derbyn arolwg Ymddygiad Gwrthgymdeithasol yn ddiweddar gan y Tîm Plismona Cymdogaethau, er mwyn helpu nodi pryderon allweddol. Mi fydd yr adborth yn helpu llunio datrys problemau ar y cyd efo partneriaid, er mwyn ymdrin ag ymddygiadau sy’n effeithio ar y Stryd Fawr. Mi fydd patrolau penodol yn parhau yn ystod cyfnodau brig, a ‘da ni’n annog y gymuned i riportio digwyddiadau a chefnogi gweithgarwch gorfodi. Mi fyddwn ni’n parhau i ddefnyddio Gorchmynion Diogelu Mannau Cyhoeddus lle nodir troseddau. Rydym yn parhau yn ein hymrwymiad i gefnogi’r fenter Gwarchod y Stryd Fawr, sy’n cael ei harwain gan Gyngor Dinas Bangor.