Allanfa Gyflym
&w=140&h=140&scale=both)
&w=600&h=370&scale=both)
Mae ymgyrch diogelwch ffyrdd bwrpasol, sy’n canolbwyntio ar wella diogelwch beicwyr modur all leihau marwolaethau ac anafiadau sy’n gysylltiedig â beiciau modur ar ffyrdd Gogledd Cymru wedi cychwyn.
&w=140&h=140&scale=both)
Mae dyn 24 oed o ardal Birmingham a gafodd ei arestio ers hynny wedi cael ei ryddhau ar fechnïaeth tra ei fod yn cynorthwyo'r swyddogion gyda'u hymholiadau
&w=140&h=140&scale=both)
Mae Heddlu Gogledd Cymru’n gweithio efo parciau gwyliau’r haf hwn, er mwyn helpu atal digwyddiadau trais yn erbyn merched a genethod (VAWG) ymysg pobl ar eu gwyliau.
&w=140&h=140&scale=both)
Mae teulu dyn a fu farw yn dilyn gwrthdrawiad ym Mynytho ar 25 Ebrill wedi talu teyrnged iddo.
&w=140&h=140&scale=both)
Yn ystod oriau mân 27 Ebrill, mi ddechreuodd Thomas fod yn dreisgar ar ôl i’w gyn gymar ofyn iddo adael ei chartref.
Ymddygiad Gwrthgymdeithasol
Da ni wedi rhoi 12 cerdyn melyn am ymddygiad gwrthgymdeithasol ar draws ein hardal ni, yn amrywio o ieuenctid sy'n achosi annifyrrwch i oedolion sy'n achosi problemau mewn cymdogaethau. 'Da ni wedi gweithio hefo'n partneriaid cymdeithasau tai ni er mwyn rhoi 3 Cytundeb Ymddygiadol ABC i'w tenantiaid nhw sydd wedi bod yn achosi trallod i bobl yng nghymunedau Tywyn ac Aberdyfi. Mae cytundebau ABC hefyd wedi cael eu defnyddio mewn meysydd eraill i reoli ymddygiad gwrthgymdeithasol. Mae patrolau ar y cyd hefo amryw o asiantaethau partner gan gynnwys swyddogion gorfodi Tai a Stryd Gwynedd wedi digwydd. Mae dau oedolyn wedi cael Rhybuddion Hysbysiad Gwarchod y Gymuned am geisio camfanteisio oedolyn bregus yn ardal Blaenau Ffestiniog yn barhaus. O ganlyniad, ni chafwyd unrhyw ddigwyddiadau ymddygiad gwrthgymdeithasol eraill wedi'u hadrodd yn y lleoliad sydd wedi adfer ymddiriedaeth a hyder i'r gymuned. Bu patrolau penodol hefyd yn ardal Glan Gors yn Harlech a chae criced, Y Bala yn dilyn adroddiadau am ymddygiad gwrthgymdeithasol i'r SCCH lleol. Mae pobl ifanc wedi bod yn achosi ymddygiad gwrthgymdeithasol trwy gnocio/cicio drysau mewn gwahanol ardaloedd, ac mae hyn yn cael ei dargedu trwy gynllun datrys problemau. Cynhaliwyd holiaduron ac ymweliadau hefo tai yn yr ardaloedd perthnasol i ddeall y mater, ochr yn ochr hefo patrolau ychwanegol gyda'r nos. Mae amlder y galwadau wedi lleihau, ac mae'r gwaith yn dal i fynd rhagddo i ymdrin yn llwyr.
Cyffuriau
Da ni wedi cynnal gwarantau camddefnyddio cyffuriau ar draws y cymunedau, gan dargedu pobl o dan amheuaeth am gyflenwi cyffuriau mewn cyfeiriadau yn Abermaw, Blaenau Ffestiniog, Pwllheli a Phenrhyndeudraeth. Arweiniodd y rhain at atafaelu llawer iawn o gyffuriau yn ogystal ag arian parod, ffonau symudol, ac offer sy'n gysylltiedig hefo cyffuriau. 'Da ni wedi cael sawl diwrnod gweithredu hefo swyddogion Cymdogaethau allan yn ceisio targedu unigolion hysbys yn ardaloedd Abermaw, Blaenau a Phwllheli. Roedd hyn yn golygu bod nifer o bobl yn cael eu stopio a'u chwilio. O ganlyniad i'r rhagweithgarwch hwn, mae gynnon ni bellach nifer o bobl yn yr ardal sydd wedi'u rhyddhau o dan ymchwiliad am droseddau cyflenwi cyffuriau yn ogystal â sawl un sy'n cael eu herlyn am droseddau meddu cyffuriau. Mae gwaith yn mynd rhagddo o fewn ein timau ni ac hefo asiantaethau eraill er mwyn datblygu ein cudd-wybodaeth a'n gwybodaeth ni am gyffuriau yn ein cymunedau ni. 'Da ni wedi cael cyfarfodydd hefo dalwyr trwyddedau a'n Rhwydweithiau Unigol Allweddol yn y Bala ac Abermaw er mwyn trafod sut 'da ni'n parhau i fynd i'r afael hefo cyflenwi cyffuriau.
Goryrru
Mae SCCH wedi cynnal ymarferion gorfodi cyflymder ledled yr ardal gan gynnwys ardaloedd Harlech, Llanbedr, Abermaw, Porthmadog, Pwllheli a Blaenau Ffestiniog a'r prif ffyrdd y tu allan i'n hysgolion cynradd ni yn ardaloedd Blaenau Ffestiniog ac Abermaw. Mae'r data a gafwyd wedyn yn cael ei ddadansoddi a'i rannu hefo timau perthnasol er mwyn tystiolaethu'r problemau. Mae'r tîm GAN BWYLL penderfynol wedi dod allan i'r safleoedd dynodedig lle 'da ni wedi derbyn cwynion a derbyn adborth cadarnhaol.
