Barmouth

Ymddygiad Gwrthgymdeithasol

Rydym wedi cyflwyno 15 Cerdyn Melyn am ymddygiad gwrthgymdeithasol ar draws ein hardal, yn amrywio o bobl ifanc yn achosi diflastod i oedolion yn achosi problemau cymdogol. Mae llythyrau ymddygiad gwrthgymdeithasol wedi’u cyflwyno i nifer o bobl sy’n byw yn Nhywyn, y Bermo a Blaenau Ffestiniog. Mae amryw o unigolion wedi derbyn Hysbysiadau Rhybudd Gwarchod Cymunedol yn Nolgellau, Blaenau a’r Bermo. O ganlyniad, nid oes digwyddiadau ymddygiad gwrthgymdeithasol eraill wedi cael eu hadrodd, sydd wedi adfer ymddiriedaeth a hyder i’r gymuned. Cafwyd nifer o ddigwyddiadau nodedig yn ardaloedd Dolgellau a Thrawsfynydd, lle ymdriniodd ein tîm â nifer o ddigwyddiadau ymddygiad gwrthgymdeithasol a chymerwyd symiau sylweddol o alcohol gan bobl o dan oed. Helpodd hyn sicrhau bod digwyddiadau’n rhedeg heb broblemau, yn ogystal â helpu atal troseddau. Mae holiaduron ymddygiad gwrthgymdeithasol wedi’u dosbarthu yng Nghorris er mwyn deall unrhyw broblemau ymddygiad gwrthgymdeithasol neu broblemau sy’n effeithio’r gymuned, er mwyn i ni geisio eu datrys. Mae tri unigolyn wedi cael gwŷs i’r llys o ganlyniad i dorri Hysbysiadau Gwarchod Cymunedol ym Mlaenau. Mae’r unigolion hyn yn achosi problemau parhaus i'r cymunedau lleol. Mae swyddogion Cymdogaethau yn cyfarfod yn rheolaidd efo’n darparwyr tai lleol, er mwyn cryfhau gwaith cymunedol ymhellach wrth ymdrin ag ymddygiad gwrthgymdeithasol. Cynhelir patrolau rheolaidd ym mhob ardal, gan gynnwys llecynnau gwyliau, er mwyn atal ymddygiad gwrthgymdeithasol. Cyflwynwyd nifer o Gytundebau Ymddygiad Derbyniol yn ardaloedd Porthmadog a Phwllheli, gan gynnwys Hysbysiadau Rhybudd Gwarchod Cymunedol efo’r nod o atal ymddygiad gwrthgymdeithasol. Mae gwaith pellach ar y gweill efo’n Swyddog Ymddygiad Gwrthgymdeithasol.

Cyffuriau

Gwnaethom gynnal gwarant cyffuriau rheoledig mewn cyfeiriad ym Mlaenau Ffestiniog yn dilyn derbyn cudd-wybodaeth, sydd wedi helpu ymyrryd ar weithgarwch yn yr ardal. Rydym wedi helpu safonau masnach efo gwarant mewn eiddo busnes ym Mlaenau Ffestiniog wnaeth ymdrin â throseddau’n ymwneud â chynnyrch ffug, gwyngalchu arian a thwyll. O ganlyniad, rydym wedi cael cudd-wybodaeth gwerthfawr er mwyn ymdrin â chyflenwi cyffuriau yn yr ardal. Rydym wedi cynnal nifer o ddyddiau gweithredu gyda swyddogion Cymdogaethau, er mwyn targedu unigolion hysbys yn ardal Dolgellau. Roedd hyn yn cynnwys nifer o stopio a chwilio. O ganlyniad i’r gweithgarwch rhagweithiol hwn, mae gennym nifer o bobl yn yr ardal wedi’u rhyddhau o dan ymchwiliad am droseddau cyflenwi cyffuriau ar hyn o bryd. Mae nifer cynyddol o gofnodion cudd-wybodaeth wedi cael eu cyflwyno. Mae’r tîm Cymdogaethau wedi stopio nifer o bobl am yrru ar gyffuriau a stopio a chwilio, a dod o hyd i ganabis o ganlyniad. Ymwelwyd â dau gyfeiriad gyda’r adran dai oherwydd pryderon yn ymwneud â chogio yn y Bermo a Bala. Bydd yr ymweliadau hyn yn parhau er mwyn gwarchod unrhyw unigolion bregus yn ein cymunedau a’u diogelu. Cynhaliwyd patrôl ar droed gyda ceidwaid cartrefi Adra, er mwyn deall pryderon cymunedol mewn amryw o leoliadau. Mae gwaith partneriaeth ar y gweill yma.

Goryrru

Cynhaliwyd ymarferion gorfodi goryrru gan SCCH mewn parthau 20mya ar draws yr ardal, gan gynnwys ardaloedd Harlech, Llanbedr, y Bermo, Tywyn a Bala. Roedd yn gadarnhaol gweld cyfradd uchel o gydymffurfiaeth ar draws yr ardaloedd hyn. Mae’r tîm Gan Bwyll penodol wedi ymweld â lleoliadau penodol lle’r oedd cwynion wedi dod i law, ac wedi cael adborth cadarnhaol gan ein cymunedau. Cynhaliwyd gwiriadau cyflymder pellach yn Nhywyn a’r cyffiniau tyn dilyn gwybodaeth gan y cyngor tref lleol bod aelodau o'r gymuned wedi codi pryderon ynglŷn â goryrru mewn ardaloedd penodol. Cynhaliwyd wiriadau cyflymder pellach gan SCCH yn ardal Porthmadog. Mae Rhingyll 3415 a Chwnstabl 1765 bellach wedi’u hyfforddi i ddefnyddio’r laser cyflymder er mwyn gorfodi troseddau goryrru yn ardal De Gwynedd. Mae Cwnstabliaid 3892 a 3877 ar fin gael hyfforddiant er mwyn cynorthwyo ymhellach gyda gorfodi mewn ardaloedd problemus. Mae hysbysiadau Adran 59 wedi’u cyflwyno gan y tîm Cymdogaethau mewn ymateb i achosion o yrru gwrthgymdeithasol yn ardaloedd Fairbourne ac Arthog. Mae hyn wedi helpu i leddfu pryderon ynglŷn â gyrru gwrthgymdeithasol yn yr ardaloedd hyn.