Rhuddlan

Canol Tref y Rhyl

Mae ymdrin hefo ymddygiad gwrthgymdeithasol yng nghanol tref y Rhyl yn parhau i fod yn flaenoriaeth i'r tîm plismona cymdogaeth (TCD). Mae'r TCD yn cydweithio'n agos hefo asiantaethau partner a chyfiawnder ieuenctid er mwyn ymdrin hefo ymddygiad gwrthgymdeithasol sy'n ymwneud hefo pobl ifanc. 'Da ni hefyd yn parhau gorfodi'r Gorchymyn Diogelu Mannau Cyhoeddus (PSPO) er mwyn atal ymddygiad gwrthgymdeithasol a throseddau sy'n gysylltiedig hefo yfed ar y stryd.

Stryd Fawr a Pharc Manwerthu Prestatyn

Mae cynlluniau patrôl ar waith ar gyfer yr ardal hon, sy’n cynnwys adnoddau plismona penodol drwy Ymgyrch Restore. Mae ein timau wedi ymrwymo i leihau ymddygiad gwrthgymdeithasol a throseddau manwerthu yn yr ardal hon.

Troseddau Manwerthu

Mae ymdrin hefo a lleihau troseddau manwerthu ym mharc manwerthu Cei Marina yn flaenoriaeth i'r tîm plismona cymdogaethau. 'Da ni wedi creu cynlluniau patrôl i fod yn weladwy yn y parc ar adegau allweddol, tra hefyd yn defnyddio swyddogion dillad plaen i dargedu lladron siopau. Mae ein hyb atal hefyd yn cydweithio hefo mânwerthwyr i roi cyngor atal trosedd.

Abergele a Phensarn

Yn dilyn pryder cymunedol am ymddygiad gwrthgymdeithasol ieuenctid ym mharc Pentre Mawr yn Abergele, mae ein Tîm Cymdogaethau ni wedi bod yn cynyddu patrolau amlwg iawn yn yr ardal, yn ogystal â chydweithio hefo asiantaethau partner er mwyn ymdrin hefo'r materion hyn. Mae hyn wedi cynnwys cydweithio, cynyddu sylw CCC, gwella goleuadau ac arwyddion. Mae ymgysylltu ieuenctid mewn ysgolion ac yn y gymuned hefyd wedi cynyddu er mwyn addysgu ac atal troseddu.

Ymgyrch Cadence

Mae PC Catrin Hughes wedi creu ymgyrch Cadence. Mae hon yn ymgyrch sy'n canolbwyntio ar y gymuned, hefo'r nod o hyrwyddo diogelwch, lles a hyder merched mewn mannau cyhoeddus, wrth gryfhau ymddiriedaeth ac ymgysylltiad rhwng yr Heddlu a'r gymuned leol.