Eich tîm plismona cymdogaeth
Grŵp o swyddogion Heddlu Gogledd Cymru yw Tîm Plismona’r Gymdogaeth wedi eu neilltuo i wasanaethu eich cymuned drwy ganolbwyntio ar droseddau lleol, anhrefn a phroblemau ansawdd bywyd.
Mae’r tîm yn cynnwys swyddogion sy’n gweithio yn eich cymuned, gyda chefnogaeth gan swyddogion ychwanegol o’r ardal ehangach.
Rydym hefyd yn gweithio gydag awdurdodau, asiantaethau partneriaid, arweinyddion cymunedau a thrigolion i benderfynu ar flaenoriaethau plismona eich ardal.
Drwy weithio gyda’n gilydd ein nod yw canfod atebion i broblemau lleol drwy gynnal ffocws ehangach ar leihau troseddu ar draws Gogledd Cymru.
Troseddau a blaenoriaethau
-
Blaenoriaeth:
Camau a gymerwyd:
-
Blaenoriaeth:
Canol Tref y Rhyl
Camau a gymerwyd:
Mae ymdrin ag ymddygiad gwrthgymdeithasol yn parhau bod yn flaenoriaeth i’r Tîm Plismona Cymdogaethau (TPC). Mae’r TPC yn gweithio’n agos efo asiantaethau partner a’r Gwasanaeth Cyfiawnder Ieuenctid er mwyn ymdrin ag ymddygiad gwrthgymdeithasol sy’n ymwneud â phobl ifanc. Mae hyn yn cynnwys y defnydd gwrthgymdeithasol o feiciau a beiciau trydan yn y parthau cerddwyr. Rydym hefyd yn parhau gorfodi’r Gorchymyn Diogelu Mannau Cyhoeddus er mwyn atal ymddygiad gwrthgymdeithasol a throseddau sy’n gysylltiedig ag yfed alcohol ar y stryd. Mae’r heddlu’n defnyddio data ‘llecynnau’ er mwyn sicrhau bod swyddogion yn y lle iawn ar yr adegau iawn.
-
Blaenoriaeth:
Troseddau Manwerthu
Camau a gymerwyd:
Mae ymdrin efo a lleihau troseddau manwerthu ym mharc manwerthu Cei Marina yn flaenoriaeth i'r tîm plismona cymdogaethau. 'Da ni wedi creu cynlluniau patrôl i fod yn weladwy yn y parc ar adegau allweddol, tra hefyd yn defnyddio swyddogion dillad plaen i dargedu lladron siopau. Mae ein hyb atal hefyd yn cydweithio efo mân-werthwyr i roi cyngor atal trosedd a chreu dulliau newydd er mwyn atal a lleihau troseddau siopladrad. Mae HGC yn defnyddio datblygiadau mewn technoleg er mwyn sicrhau bod troseddwyr yn cael eu nodi a’u rheoli’n fwy effeithiol nag o'r blaen.
-
Blaenoriaeth:
Abergele a Phensarn
Camau a gymerwyd:
Yn dilyn pryder cymunedol am ymddygiad gwrthgymdeithasol ieuenctid ym mharc Pentre Mawr yn Abergele, mae ein Tîm Cymdogaethau ni wedi bod yn cynyddu patrolau amlwg iawn yn yr ardal, yn ogystal â chydweithio hefo asiantaethau partner er mwyn ymdrin hefo'r materion hyn. Mae hyn wedi cynnwys cydweithio, cynyddu sylw CCC, gwella goleuadau ac arwyddion. Mae ymgysylltu ieuenctid mewn ysgolion ac yn y gymuned hefyd wedi cynyddu er mwyn addysgu ac atal troseddu.
-
Blaenoriaeth:
Stryd Fawr a Pharc Manwerthu Prestatyn
Camau a gymerwyd:
Mae cynlluniau patrôl ar waith ar gyfer yr ardal hon, sydd hefyd yn cynnwys adnoddau heddlu penodol. Mae ein timau’n ymroddgar i leihau ymddygiad gwrthgymdeithasol a throseddau manwerthu ymhellach.