Diweddariad ar ôl darganfyddiad corff babi ym Mangor

Mae post mortem wedi datgelu bod merch fach oedd corff y babi a ddarganfuwyd ym Mangor.

Yr arwyddion cychwynnol yw gallai fod wedi bod yn y dŵr am hyd at ychydig wythnosau.

Mae profion pellach i ddarganfod mwy am y ferch fach hon ar y gweill.

Dywedodd Uwcharolygydd Llinos Davies: “Yn dilyn darganfyddiad trasig o gorff babi ym Mangor ar ddydd Sul, y 27ain o Fedi, mae post mortem bellach wedi’i gwblhau.

“Rydym nawr yn gwybod mai merch oedd y babi bach.

“Rydym yn deal y gall y fam fod yn ofnus o ddod ymlaen ond rydym yn ei hannog i gysylltu â ni. Hoffwn roi sicrwydd iddi mai ei lles a’i diogelwch yw ein pryder pennaf.

“Dylai unrhyw un sydd â phryderon am ferch neu fenyw rydych chi’n meddwl y gallai wedi bod yn feichiog neu y mae ei hymddygiad wedi bod yn anarferol neu allan o gymeriad yn ystod y misoedd diwethaf, gan gynnwys tynnu’n ôl o ffrindiau, teulu neu gysylltiadau cymdeithasol, i gysylltu â ni.

“Plis gwnewch y peth iawn i sicrhau bod y fam hon yn cael y cymorth iechyd sydd ei hangen arni.

“Bydd pob enw a dderbynnir yn cael ei drin hefo’r disgresiwn mwyaf ac fe ellir eu dileu fel y fam heb oedi.”

Rydym yn parhau i dderbyn cyngor arbenigol ar ein hymchwiliad.

Dywedodd Fiona Giraud, Cyfarwyddwr Bydwreigiaeth a Gwasanaethau Merched Bwrdd Iechyd Prifysgol Betsi Cadwaladr mai’r fam ye ei blaenoriaeth o hyd.

Wrth siarad yn uniongyrcol âhi dywedodd: “Ein prif breeder o hyd yw eich iechyd, diogelwch a lles.

“Efallai eich bod yn teimlo nad oes gennych unrhyw le i droi, neu na allwch siarad ag unrhyw un am yr hyn sydd wedi digwydd. Peidiwch â theimlo bod yn rhaid i chi wynebu hyn ar eich pen eich hun.

“Nid ydym eto yn gwybod yr holl amgylchiadau sy’n ymwneud â marwolaeth eich babi, ond yr hyn sy’n bwysig yw ein bod yn dod o hyd i chi, yn gwneud yn siŵr eich bod yn ddiogel, ac yn sicrhau eich bod yn cael unrhyw sylw meddygol a chymorth y gallai fod ei angen arnoch.

“Rwy’n gofyn i chi’n bersonol, plis cymerwch y cam cyntaf a cysylltwch â ni. Mae yna bobl i’ch helpu chi.”

Os oes gynnoch chi unrhyw bryderon uniongyrchol, cysylltwch hefo ni ar 101, gan ddyfynnu Ymgyrch Melex.

Mae Porth Cyhoeddus Digwyddiad Difrifol wedi cael ei greu lle gall unrhyw un hefo gwybodaeth a allai helpu ein hymholiadau ni gysylltu’n uniongyrchol hefo’r heddlu, neu trwy'r côd QR: Public Portal

Gallwch ffonio'r elusen annibynnol Crimestoppers yn ddienw.

Fel arall, cysylltwch hefo gwasanaeth Ymholiadau a Datrys Pobl y Bwrdd Iechyd rhwng dydd Llun a dydd Gwener 10am-4pm ar 03000 851 234.