Carchar i ddyn ar ôl dod o hyd i werth £30,000 o gocên yn ei gar

Mae dyn 38 oed wedi cael ei garcharu ar ôl darganfod gwerth £30,000 o gocên yn ei gar.

Mi ymddangosodd Lee Hope, o Lyme Cross Road, Huyton ar gyfer dedfryd yn Llys y Goron yr Wyddgrug ar 25 Medi, ar ôl cyfaddef yn flaenorol i feddiant efo’r bwriad i gyflenwi cocên.

Ar 21 Awst eleni, mi dderbyniodd swyddogion wybodaeth bod cerbyd yn teithio o Lannau Mers tuag at Ogledd Cymru efo’r bwriad o ddod â chyffuriau i’r ardal.

Mi stopiodd swyddogion y car ar yr A55 ger Bangor ac arestio Hope, a oedd yn gyrru’r cerbyd.

Mi ganfuwyd llawer iawn o gocên yng nghist y car, yr amcangyfrifir ei fod werth hyd at £30,000 ar y stryd.

Mi gafodd ei garcharu am ddwy flynedd a chwe mis.

Dywedodd Cwnstabl Scott Jones: “Mi wnawn ni barhau erlid y bobl sy’n ceisio dod â chyffuriau anghyfreithlon i Ogledd Cymru’n ddi-baid. Mi wnawn ni gymryd camau ar unrhyw wybodaeth ‘da ni’n ei chael gan y gymuned.

“Mae troseddwyr sy’n ymwneud â chyflenwi cyffuriau’n achosi niwed trychinebus i bobl fregus er eu helw ariannol eu hunain.

“Dwi’n parhau annog unrhyw un efo gwybodaeth ynglŷn â chyffuriau i gysylltu efo’r heddlu neu adrodd yn ddienw i Crimestoppers ar 0800 555 111.”