Gyrrwr beic modur yn marw ar ôl gwrthdrawiad ym Meddgelert

Mae dyn 61 oed wedi marw ar ôl gwrthdrawiad un cerbyd yn ardal Beddgelert ar ddydd Iau, 25 Mehefin.

Mi ymatebodd swyddogion i adroddiad o wrthdrawiad un cerbyd toc wedi 11.30am, oedd yn cynnwys beic modur ar y ffordd rhwng Nantmor a Nant Gwynant.

Er ymdrechion gorau’r gwasanaethau brys, bu farw’r dyn yn y fan a’r lle.

Dywedodd Rhingyll Simon Hughes o’r Uned Troseddau Ffyrdd: “Mae fy meddyliau i’n parhau bod efo teulu’r dyn yn ystod y cyfnod anodd hwn.

“Dwi’n apelio ar unrhyw un oedd yn gyrru ar hyd ffordd Beddgelert ar fore dydd Iau, 25 Mehefin a welodd neu sydd efo fideo camera cerbyd o feic modur BMW GS efo platiau Gwyddelig i ddod atom ni.

“Mi all unrhyw un sydd efo gwybodaeth all helpu ein hymholiadau ni gysylltu efo ni gan ddefnyddio’r cyfeirnod O099561.”