Arestio pobl ifanc yn dilyn ymddygiad gwrthgymdeithasol yng Nghricieth

Mae swyddogion wedi arestio wyth o bobl ifanc dros y pedwar diwrnod diwethaf mewn ymgais i atal Ymddygiad Gwrthgymdeithasol (ASB) yng Nghricieth.

Ar ddydd Gwener 27 Medi ^⁠defnyddiwyd gorchmynion gwasgaru gyda'r hwyr yn dilyn difrod troseddol yng nghanol y dref. Arestiwyd tri yn dilyn y digwyddiad hwn.

Arestiwyd tri arall ar ddydd Sadwrn a dydd Sul yn dilyn ymddygiad gwrthgymdeithasol pellach. Cafodd y tri eu rhyddhau ar amodau gwaith ymyrraeth ieuenctid.

Arestiwyd un ohonynt unwaith eto am dorri amodau'r fechnïaeth. Cafodd ei gadw yn y ddalfa ac ymddangosodd yn Llys Ieuenctid Caernarfon ar ddydd Llun 30 Medi^⁠ a bydd yn ymddangos yno eto ar ddyddiad yn y dyfodol.

Ar ddydd Llun 30 Medi^⁠ arestiwyd person ifanc arall ar amheuaeth o drosedd yn erbyn y drefn gyhoeddus a dwyn o siopau. Cafodd ei ryddhau ar fechnïaeth ar amodau gwaith ymyrraeth ieuenctid a bydd yn rhaid iddo gadw at gyrffyw.

Arestiodd yr heddlu ddyn ifanc hefyd ar amheuaeth o ddwyn o siopau a difrodi potiau planhigion ar y sgwâr yng Nghricieth.  Mae wedi ei gyhuddo o'r troseddau a bydd yn ymddangos yn y llys ieuenctid ar ddyddiad yn y dyfodol.

Dywedodd yr Arolygydd Ardal Iwan Jones: “Deallwn yr effaith y mae ymddygiad gwrthgymdeithasol yn cael ar y gymuned yng Nghricieth.

“Byddwn yn parhau i ddefnyddio'r holl bwerau sydd ar gael i atal ymddygiad annerbyniol.

"Rwyf yn ddiolchgar am gefnogaeth barhaus trigolion y dref ac yn annog unrhyw un sy'n dymuno mynd i'r llyfrgell yng Nghricieth ar ddydd Mercher 2 Hydref^⁠ rhwng 4.40pm a 6pm i siarad â'r heddlu ac i fynegi eu barn am ymestyn y Gorchymyn Gwarchod Man Cyhoeddus."

Dylai unrhyw hefo pryderon am ymddygiad gwrthgymdeithasol yn eich ardal ei riportio i'r heddlu drwy ein gwefan neu drwy alw 101.