Dyn cyfrwys a bygythiol wedi’i garcharu, ar ôl trywanu ei gymar efo siswrn

Mae dyn oedd yn “ gorfodi ac yn rheoli” wedi ei garcharu heddiw am ymosodiad ffyrnig ar ei gymar.

Mi wnaeth Sureshkumar Thuruirajah, 52, o Kingsmills Road, Wrecsam, drywanu ei gymar sawl gwaith efo siswrn yn eu cartref yn Wrecsam ar dydd Mawrth, 12 Ebrill llynedd.

Mi gafodd hi anafiadau i’w phen, ysgwyddau, abdomen a’i llaw.

Cafodd Thuruirajah ei arestio y diwrnod hwnnw, ac yna’i gyhuddo o glwyfo efo’r bwriad o achosi niwed corfforol difrifol.

Yn Llys y Goron yr Wyddgrug heddiw, mi gafodd ddedfryd estynedig o wyth mlynedd yn y carchar, wedi iddo gyfaddef y drosedd.

Mi ddigwyddodd hyn wedi i Thuruirajah fod yn flin, ar ôl gweld ei gymar yn siarad ar y ffôn yn gynharach y diwrnod hwnnw.

Pan gyrhaeddodd adref o’i waith, cydiodd mewn siswrn a dechreuodd dorri gwallt ei gymar, cyn  ei ddefnyddio i’w thrywanu sawl gwaith.

Mi lwyddodd hi ymofyn help ac mi ffoniodd hi’r heddlu.

Dywedodd y Ditectif Gwnstabl, Daniel Jones: “Mae Thuruirajah yn ddyn sy’n bygwth, yn rheoli ac sy’n genfigennus, ac mae dedfryd heddiw yn adlewyrchu dwyster y drosedd.

“’Dwi’n cymeradwyo’r dioddefwr am ei dewrder drwy gydol yr ymchwiliad.

“’Dwi’n gobeithio bod hyn yn anfon neges glir nad ydy Heddlu Gogledd Cymru yn goddef trais domestig o gwbl, ac mi wnawn ni barhau i erlid unrhyw un sy’n cyflawni trais yn erbyn merched a genethod.”