Wrexham gang who targeted families for sentimental gold jailed for more than 14 years

Mae gang o Wrecsam a fu'n targedu teuluoedd lleol am emwaith aur wedi cael eu carcharu am fwy na 14 mlynedd.

Dros gyfnod o dair mis, o fis Medi'r llynedd torrodd gang i mewn i gartrefi chwe teulu Asiaidd, gan ddinistrio eu llofftydd yn chwilio am aur.

Mi wnaethon nhw geisio cuddio eu drwgweithredoedd drwy ddefnyddio deunyddiau glanhau yn rhai o'r cartrefi.

⁠Yn dilyn pob byrgleriaeth, aeth y gang at ddeliwr bwlion yn Birmingham i gyfnewid yr asedau am arian.

Drwy Ymgyrch Guard, ymchwiliad wedi ei arwain gan Heddlu Gogledd Cymru gyda chefnogaeth heddluoedd eraill gwelwyd arestio pump o aelodau'r gang yn Wrecsam ym mis Tachwedd yn dilyn eu siwrne olaf yn gweld y deliwr bwlion yn Birmingham.

Canfuwyd yr aelod olaf o'r gang yn Southport y mis canlynol.

Ymddangosodd y pum dyn o flaen Llys y Goron yr Wyddgrug i'w dedfrydu heddiw (dydd Mawrth, 30 Mawrth^⁠) sef:

Kew Delaney, 34, o Goedpoeth a gafodd ei gyhuddo o gynllwyn i fyrgleriaeth ac a gafodd ddedfryd o dair blynedd a phedwar mis o garchar.

Addie Piggot, 29, o Goedpoeth a gafodd ei gyhuddo o gynllwyn i fyrgleriaeth ac a gafodd ddedfryd o bedair blynedd ac wyth mis.

Todd Wickens, 35 o Wrecsam a gafodd ei gyhuddo o gynllwyn i fyrgleriaeth ac a gafodd ddedfryd o bedair blynedd yn y carchar.

Michael Berry, 24, o Wrecsam a gafodd ei gyhuddo o drin nwyddau wedi eu dwyn ac a gafodd ddedfryd o ddwy flynedd yn y carchar.

Tom Cash, 26, o Wrecsam a gafodd ei gyhuddo o drin nwyddau wedi eu dwyn ac a gafodd ddedfryd o 12 mis, wedi ei ohirio am 18 mis a 150 awr o waith di-dâl.