Dedfrydu dyn o Gei Connah am fyrgleriaeth a dwyn o siopau

Mae dyn 47 oed wedi cael ei garcharu am chwe blynedd a hanner am droseddau yn cynnwys byrgleriaeth, twyll a lladrad.

Ymddangosodd Nicholas Wilcock, o Bethel Place, Cei Connah, yn Llys y Goron yr Wyddgrug ddoe, 27 Chwefror, wedi'i gyhuddo o ladrata o siop, byrgleriaeth, a throseddau twyll.

Ym mis Mehefin 2023, gwnaeth Wilcock dresbasu a dwyn stoc o uned storio busnes.

Yna, ym mis Gorffennaf ac Awst, gwnaeth Wilcock ddwyn o siopau bedair gwaith dros gyfnod o bum diwrnod, hefo cyfanswm yr eitemau dros £500.

Ym mis Awst a Medi, fe wnaeth dresbasu a chyflawni byrgleriaeth dair gwaith yn ardal Ewlo a Chei Connah, gan ddwyn eitemau fel offer pŵer, arian parod a chardiau banc gwerth dros £700.

Ar yr un diwrnod, gwnaeth Wilcock dwyllo drwy geisio defnyddio'r cardiau banc a oedd wedi'i dwyn mewn siop bapur gerllaw.  Fe ddaeth yr heddlu i'r siop a dod o hyd iddo fo hefo'r cardiau banc a oedd wedi'u dwyn.

Fe wnaeth dderbyn chwe blynedd a hanner o garchar.

Dywedodd yr Arolygydd Ardal Wes Williams: ⁠"Mae Wilcock yn droseddwr di-baid sydd wedi achosi gofid sylweddol i gymunedau Gogledd Sir y Fflint, hefo llawer o bobl yn cael eu heffeithio gan yr hyn mae'n ei wneud dros y blynyddoedd.

"Dwi'n falch o ganlyniad heddiw a dwi'n gobeithio fod hyn yn tawelu meddwl y gymuned na ydy byrgleriaeth a dwyn yn cael ei oddef.

"Mae byrgleriaethau'n parhau'n brin iawn yn ein hardal ni, a 'da ni'n parhau atal y mathau hyn o droseddau drwy ein menter Dangos y Drws i Drosedd ac adborth gan ein cymunedau drwy'r system rybudd cymunedol.

"Buaswn i'n hoffi diolch i'r cyhoedd am eu help parhaus. Dwi'n parhau annog trigolion barhau'n wyliadwrus a riportio gweithgarwch amheus i'r heddlu, neu'n ddienw drwy Crimestoppers."

Mae trigolion yn gallu cofrestru er mwyn derbyn diweddariadau rheolaidd gan ein tîm cymdogaethau drwy www.northwalescommunityalert.co.uk