Dedfrydu tri dyn yn dilyn canfod ffatri ganabis gwerth £266 miliwn
Cynnwys y prif erthygl
Dedfrydwyd tri dyn yn dilyn canfod ffatri ganabis ar raddfa ddiwydiannol ym Mangor.
Ymddangosodd Bedri Elezi, 36, Fabjol Mucaj,21, ac Agron Aruci, 30, yn Llys y Goron, Caernarfon heddiw, 25 Medi ar gyhuddiadau o gynhyrchu cyffur Dosbarth B. Cafodd Bedri Elezi ei ddedfrydu i ddwy flynedd o garchar.
Dedfrydwyd Fabjol Mucaj i 22 mis o garchar.
Dedfrydwyd Argon Aruci i 22 mis o garchar.
Ar ddydd Mercher, 22 Mawrth 22 tua 5am, aeth yr heddlu i adeilad gwag ar Stryd Fawr Bangor yn dilyn gweithgaredd amheus yn yr ardal.
Wrth gyrraedd, canfuwyd bod yr adeilad tri llawr wedi ei addasu i dyfu planhigion canabis ar raddfa ddiwydiannol.
Canfuwyd dros 500 o blanhigion i gyd, gwerth tua £266,000.
Dywedodd y Ditectif Arolygydd Richard Griffith: “"Rydym yn parhau i dargedu unigolion sy'n ceisio dod â chyffuriau i gymunedau yng Ngwynedd.
"Rydym yn gwrando ac yn ymateb i bob gwybodaeth a gofidion yn ymwneud â ffermydd canabis yn yr ardal.
“Os byddwch yn gweld, clywed neu arogli arwyddion o ganabis, dewch atom yn uniongyrchol neu yn ddi-enw a byddwn yn ymchwilio i'r honiadau yn drylwyr.
Os oes gennych unrhyw wybodaeth am gyffuriau yn eich ardal, cysylltwch â ni drwy ein gwefan neu drwy ffonio 101 neu riportio yn ddi-enw drwy Crime Stoppers.