Two men sentenced following the discovery of a £1 million cannabis factory

Carcharwyd dau ddyn ddoe (6 Mawrth^⁠) yn dilyn canfod ffatri gwerth £1m o bunnau ar Stryd Fawr Bangor.

Cyhuddwyd Elidon Hodaj, 27 oed, o gynhyrchu cyffuriau Dosbarth B a'i ddedfrydu i ddwy flynedd a dau fis o garchar.

Cyhuddwyd Landi Ruci, 32 o gynhyrchu cyffuriau Dosbarth B a'i ddedfrydu i ddwy flynedd a dau fis o garchar.

Byddant yn cael eu hallgludo yn dilyn eu dedfryd.

 

Ymddangosodd y ddau ddyn gerbron Llys y Goron Caernarfon ddoe yn dilyn gwarant gan yr heddlu ar 29 Ionawr ^⁠ pan ganfuwyd ffatri ganabis ar raddfa ddiwydiannol yn ymestyn dros bedwar llawr.

Canfuwyd bod y dynion hyn yn tyfu dros 2000 o blanhigion gwerth dros £1m o bunnau. Hefyd, defnyddiwyd gwerth £20,000 o olau i bweru'r ffatri.

Dywedodd y Ditectif Arolygydd Richard Griffith: "Rydym yn parhau i dargedu unigolion sy'n ceisio dod â chyffuriau i gymunedau yng Ngwynedd.

"Hoffwn sicrhau'r cyhoedd sy'n byw ac yn gweithio ym Mangor ein bod ni yn gwrando ac yn ymateb i'r holl wybodaeth a gofidion yn ymwneud â ffermydd canabis honedig yn yr ardal.

“Os byddwch yn gweld, clywed neu arogli arwyddion o ganabis, dewch atom yn uniongyrchol neu yn ddi-enw a byddwn yn ymchwilio i'r honiadau yn drylwyr.

Os oes gennych unrhyw wybodaeth am gyffuriau yn eich ardal, cysylltwch â ni drwy ein gwefan neu drwy ffonio 101neu riportio yn ddi-enw drwy Crime Stoppers.