Oes o garchar i Mark Harley Jones am lofruddio

Carcharwyd dyn 20 oes am oes heddiw.

Gwadodd Mark Harley Jones, o Chester Road, Wrecsam ei fod wedi lladd Kyle Walley, 19 oed ar ddydd Sul, 11 Gorffennaf^⁠ 2021, ond fe'i cafwyd yn euog gan rheithgor ar ddydd Iau, 16 Mawrth^⁠.

Ymddangosodd yn Llys y Goron yr Wyddgrug heddiw sef dydd Gwener 17 Mawrth^⁠ a chafodd ddedfrydwyd o leiafswm o 16 mlynedd.

Meddai'r Ditectif Brif Arolygydd Chris Bell, yr Uwch-swyddog Ymchwilio:⁠ "Mae'r ffaith i Kyle golli ei fywyd ac yntau mor ifanc yn drychinebus."

"Roedd teulu a ffrindiau Kyle yn ei garu ac ni all unrhyw beth ddod ag e yn ôl, ond dw i'n gobeithio y bydd y ddedfryd hon yn dod â chysur i'w deulu.

“Mae'r teulu wedi bod yn gryf a dewr drwy gydol yr achos, ac rwyf yn diolch iddynt am y modd y maent wedi cynorthwyo'r ymchwiliad.

Ar ddydd Sul, 11 Gorffennaf^⁠ 2021, roedd Kyle yn edrych ymlaen at weld gêm derfynol Euro 2020 gyda rhywun yr oedd yn ei ystyried yn ffrind. Roedd mewn hwyliau da. Ond gwnaeth ymddygiad Mark Jones ddifetha hynny i gyd.

"Am resymau sy'n hysbys yn unig i Mark Jones, penderfynodd godi cyllell a recordio ei hun ar ei ffôn yn ymosod ar ddyn ifanc diniwed, ac yna lanlwytho’r digwyddiad ar Snapchat. Bydd sgil effeithiau’r fideo erchyll hwn yn aros am amser hir gyda'r rhai a fu mor anffodus i'w weld.

"Roedd gweithred Mark Jones yn frawychus, ac yn dorcalonnus o ystyried mai pobl ifanc oedd yn rhan o hyn.

"Ni fydd Heddlu Gogledd Cymru yn dioddef camddefnyddio cyllyll i anafu eraill.  Rwyf yn annog pawb i beidio â chario arfau gan y gall y canlyniad arwain at ddinistrio dau deulu.

"Os yw rhywun yn adnabod ffrind neu rywun yn y gymuned sy'n cario cyllell rhowch wybod i Crimestoppers yn ddi-enw a'i riportio.

Ychwanegodd teulu Kyle: "Roedd Kyle yn fab, brawd ac ŵyr hoffus a oedd yn blentyn hapus ac yn dod ymlaen yn dda gyda phawb.

“Cyn cael ei lofruddio, roedd Kyle ar fin dechrau prentisiaeth fel trydanwr.  Ni chafodd fanteisio ar y cyfle hwn gan i Mark Harley Jones ei lofruddio.

“Ni all neb gymryd lle Kyle a bydd colled ar ei ôl gan ei deulu a'i ffrindiau. Bydd ef gyda ni yn ein calonnau a'n hatgofion am byth.

“Hoffem ddiolch i Heddlu Gogledd Cymru a Gwasanaeth Erlyn y Goron am eu cefnogaeth yn ystod y cyfnod anodd hwn.

“Ac i gloi, hoffem ddiolch i'n ffrindiau, y teulu a'r cyhoedd am ddangos eu hewyllys da.

"Rwyf yn gobeithio y bydd dedfryd heddiw yn atgoffa pobl o beryglon cyllyll."