Cyhuddo pobl dan amheuaeth mewn Ymgyrch Gyffuriau fawr ar draws gogledd Cymru a Lloegr

Yn dilyn ymchwiliad gan Uned Troseddau Trefnedig yr heddlu (SOCU) a chyda chefnogaeth Uned Troseddau Trefnedig y Gogledd Orllewin, Swydd Efrog ac Uned Troseddau Trefnedig Rhanbarthol Humber, Tîm Ymchwilio Ariannol a Throseddol y Gogledd Orllewin, arestiwyd 10 dyn ddoe yn ardaloedd De a Gorllewin Swydd Efrog, Swydd Caer, Gorllewin Canolbarth Lloegr a'r Rhyl mewn cyswllt ag ymchwiliad i gynllwynio i dyfu canabis yn y Rhyl.

O'r rhai a gafodd eu harestio cyhuddwyd Faisall Aslam 48 o Bradford,  Shakeel Aslam 50 o Gaer, Akeel Aslam 50 o'r Rhyl, Oltian Salla 34 o Birmingham, Aranit Kapo 22 o Sheffield, Shpetim Kapo 24 o Doncaster, Ronaldo Hazizi 24 o Doncaster, Kalemi Besim 22 o Sheffield, Edison Cela 28 o Sheffield ac Ardit Lici 27 o Sheffield o gynhyrchu a chyflenwi cyffuriau Dosbarth B.  Cafodd pob un eu cadw yn y ddalfa.

Dywedodd Ditectif Arolygydd SOCU Richard Sidney:  “Mae'r gweithredu heddiw yn rhan o'n hymateb yn sgil canfod swm sylweddol o ganabis yn y Rhyl.

‘Byddwn yn parhau i atal hyn gan fod mentrau o'r fath yn aml yn ariannu Grwpiau Troseddau Trefnedig.'

Dywedodd Arolygydd Kevin Smith: ‘Mae ein tîm wedi ymrwymo i sicrhau diogelwch trigolion y Rhyl. “Hoffwn ddiolch i'r gymuned leol am eu cymorth, byddwn yn parhau i weithredu ar unrhyw wybodaeth a roddir i ni.

‘Rydym wedi ymrwymo i wneud Gogledd Cymru'r lle mwyaf diogel yn y DU i fyw, gweithio ac ymweld ag o, ac mae'r dref lan môr hon wedi ymroi yn llwyr i hynny.'