Dedfrydu gang cyffuriau Wrecsam yn dod i ben

Cafodd aelodau o gang cyffuriau yn Wrecsam sydd â chysylltiadau â throseddau trefniadol wedi cael eu dedfrydu i gyfanswm o 76 mlynedd yn y carchar.

Yn gynharach eleni, carcharwyd saith diffynnydd yn Llys y Goron, yr Wyddgrug ar ôl cael eu canfod yn euog o gynllwynio i gyflenwi cyffuriau Dosbarth A.

Heddiw (dydd Gwener, 25 Mai) euogfarnwyd pedwar aelod arall o'r gang am yr un drosedd.

Fe'u dedfrydwyd yn dilyn Ymgyrch Blue Kyanite, ymchwiliad gan Heddlu Gogledd Cymru i gyflenwi cyffuriau Dosbarth A yn Wrecsam a Gogledd Cymru.

Dangosodd cofnodion helaeth yn yr ymchwiliad symudiadau'r gang dros flwyddyn y cynllwyn rhwng Mawrth 2020 a Mawrth 2021.

Mi wnaeth swyddogion ganfod bod y cyffuriau wedi eu cael gan gyflenwr yng Nglannau Mersi a'u cludo i Wrecsam at bennaeth grŵp troseddau trefnedig.

Mewn cynllwyn gwerth dros £2miliwn, defnyddiwyd 'cludwyr' i drosglwyddo'r cyffuriau a'r arian.

Atafaelwyd symiau sylweddol yn ystod cwrs y cynllwyn, yn cynnwys cyfanswm o 2.5kg o heroin, chrac cocên a chocên.

Atafaelwyd dros £40,000 o arian parod, yn ogystal ag asedau fel cerbydau yn gysylltiedig â’r cynllwyn.

Dywedodd Uwch Swyddog Ymchwilio, DI Mark Hughes; “Dylai'r dedfrydau hyn atal unrhyw un sy'n ystyried ymwneud â chyffuriau anghyfreithlon.

“Gall cyffuriau, yn enwedig sylweddau Dosbarth A fel cocên a heroin ddinistrio bywydau a dod â dioddefaint i’r defnyddwyr a'u teuluoedd.

"Mae'r ymchwiliad hwn wedi disodli rhwydwaith cyflenwi cyffuriau o fewn Wrecsam ac mae hyn yn dyst i waith caled yr heddlu yn dod â'r achosion hyn i'r llys.

"Roedd nifer o'r rhai a oedd yn rhan o'r rhwydwaith yn gludwyr ffyddlon i gang troseddau trefnedig gyda swyddi da y tu allan i'w troseddu. "Mae taclo cyflenwad cyffuriau yn flaenoriaeth i Heddlu Gogledd Cymru a gobeithio bod y cyhoedd yn dawel eu meddwl yn sgil y dedfrydau hyn."

 

Mae manylion pawb a oedd ynghlwm wedi'u rhestru isod, ynghyd â'u dedfrydau.

Thomas Wright, 45, o Fairfield Avenue, Roby (10 mlynedd, wyth mis).

Kevin Barry David Roberts, 43, Plas Gwyn, Wrecsam (saith mlynedd, dau fis).

Robert Martin Reid, 37, o St David’s Crescent, Wrecsam (chwe blynedd, chwe mis).

Mehmet Ali Karadas, 48, o Kingstown, Wrecsam (chwe blynedd, chwe mis).

Julie Prile, 45, Coed Efa, New Broughton (pum mlynedd).

Cial Edward Prandle, 29, Peris, Plas Madoc (chwe blynedd, chwe mis).

Jamie Wright, 23, Hampden Way, Acrefair (pedair blynedd, chwe mis).

Levi Roberts, 27, Royden Gardens, Wrecsam (10 blynedd).

Haydn Griffiths, 59, Cefn Road, Wrecsam (wyth blynedd, chwe mis).

Paul Wilbraham, 50, Blantern Way, Wrecsam (chwe blynedd, chwe mis)

Craig Roberts, 39, Bryn Gwyn, Wrecsam (pum mlynedd).