Ditectif Prif Uwcharolygydd wedi ymddeol yn ennill Gwobr Gymunedol
Cynnwys y prif erthygl
Mae cyn-swyddog Heddlu Gogledd Cymru wedi cael ei anrhydeddu â gwobr genedlaethol am ei waith parhaus yn addysgu dosbarthiadau hunanamddiffyn.
Mae cyn-swyddog Heddlu Gogledd Cymru wedi cael ei anrhydeddu â gwobr genedlaethol am ei waith parhaus yn addysgu dosbarthiadau hunanamddiffyn.
Cyflwynwyd 'Gwobr Goffa Neil Braithwaite am Wasanaeth Cymunedol' i Chris Corcoran, a ymddeolodd fel Ditectif Brif Uwcharolygydd yn 2010 ar ôl 30 mlynedd o wasanaeth, yn y Midland Hotel, ym Manceinion yr wythnos diwethaf.
Chris yw Uwch Hyfforddwr Adran Hunan-amddiffyn Heddlu Gogledd Cymru ac mae wedi bod yn aelod ers dros 40 mlynedd.
Yn ystod y cyfnod hwn mae Chris wedi rhoi o'i amser i gyfarwyddo Swyddogion yr Heddlu, aelodau staff, teulu, ffrindiau ac aelodau o'r cyhoedd mewn hunanamddiffyn.
Mae Chris hefyd yn cynnal cyrsiau pwrpasol fel cyrsiau hunanamddiffyn i fenywod, plant a phobl ag anableddau corfforol a meddyliol.
Hyd yn ddiweddar roedd Chris hefyd yn ymwneud yn helaeth â mynd â phlant anabl ar daith flynyddol i Lourdes.
Cafodd Chris ei hebrwng i'r seremoni gan Uwcharolygydd Paul Jones, un o felttiau du'r clwb a'i henwebodd ar gyfer y wobr.
Wrth fyfyrio ar yr anrhydedd, a gyflwynwyd gan Brif Gwnstabl Heddlu Gogledd Cymru Carl Foulkes, dywedodd Chris: "Ar ôl mwy na 40 mlynedd o hyfforddi pobl i hunanamddiffyn, mae'n braf derbyn y gydnabyddiaeth hon i mi ac i'r clwb.
"Ar ôl gyrfa dda gyda'r Heddlu, roeddwn i'n teimlo ei bod hi'n bwysig rhoi rhywbeth yn ôl i'r gymuned.
"Roedd derbyn y wobr hon gan y Prif Weithredwr yn teimlo'n wych. Mae'n rhoi'r cymhelliant i mi barhau i hyfforddi ac addysgu, sy'n dda i iechyd corfforol a meddyliol pawb sy'n cymryd rhan.
"Rydym yn gweithio gyda thrawstoriad mawr o'r cyhoedd, gyda phobl o bob oed a chefndir yn ein dosbarthiadau.
"Rwy'n teimlo bod gweithio gyda phobl ifanc, yn enwedig y rhai o gymunedau anodd eu cyrraedd, wedi helpu i chwalu rhwystrau a all godi rhwng yr heddlu a rhannau o'r gymuned.
"Mae'r math yna o ymgysylltu mor werthfawr, rwy'n credu ac yn rhoi boddhad mawr pan welwn y canlyniadau sy'n digwydd.
"Rydyn ni hefyd wedi cael pwyslais go iawn yn ddiweddar wrth weithio gyda merched a genethod, yn ogystal â'r bobl fwyaf agored i niwed yn ein cymdeithas, ac mae hynny'n rhywbeth rydyn ni'n teimlo sy'n bwysig i'w barhau, er mwyn rhoi hyder a rhywfaint o synnwyr o ddiogelwch i'r rhai sy'n mynychu."
Mae'r clwb yn agored i bawb 12 oed a throsodd ac o bob gallu a chefndir.
Nid oes tâl am yr hyfforddiant, sy'n dysgu celfyddyd ymladd Kung Fu a hunanamddiffyn sylfaenol ac yn caniatáu i aelodau symud ymlaen drwy raddio.
Cynhelir y sesiynau bob dydd Mawrth rhwng 7-9pm yn Eglwys Gatholig y Santes Fair, Neuadd, Stryt y Rhaglaw, Wrecsam ac ym Mhencadlys Heddlu Gogledd Cymru ym Mae Colwyn.
Am fanylion pellach ffoniwch: Chris ar 07528711857 neu Hayley ar 07597901547